Woho wa Mbisha Anto Periodikɛ

(Numɛlɔ kele bu l’ɔtɛkɛta anyu, ko nyu menda lo Falase)

Tshoto y’Etangelo Ngɔ. ka 1, 15

MBEWOYAKA DIOLELO DIAKI JEHOWA

“Naka sho menda woho wadiakema anto ɛlɔ kɛnɛ, onde wɛ fɔnyaka dia kɔlɔ ambodja ɔlɔlɔ otshumba? [Tshikande akadimole.] Tende kɛnɛ kata Bible lo dikambo diaki Nzambi. [Adia Osambu 83:18b.] Lam’ele Nzambi mbele Nkum’Olongo, omboledi wa nkɛtɛ k’otondo, onde akambo wa kɔlɔ kokaka mbidja otshumba mɛtɛ? [Tshikande akadimole.] Tshoto y’Etangelo nyɛ mbishaka okadimwelo wa dimɛna lo wombola ɔsɔ.”

Réveillez-vous! Ngɔ. ka 1, 22

“Nshi nyɛ mamboleka ekokelo kaso mbɔtɔ lo wâle. Dui dimɔtshi diamboleka kiyanya anto nshi nyɛ ko wovi wa kartɛ. Onde wɛ ambokaka dikambo sɔ? [Tshikande akadimole.] Bible tolakaka ɔnɛ lushi lɔmɔtshi andja ɔnɛ wayotshungɔ oma lo wâle tshɛ. [Adia Isaya 11:⁠9.] Periodikɛ kɛnɛ nembetshiyaka woho wayokotshama dikambo sɔ.”

Tshoto y’Etangelo Ngɔ. ka 2, 1

MBEWOYAKA DIOLELO DIAKI JEHOWA

“Anto efula wekɔ lo ndjakiyanya ɛlɔ kɛnɛ lo kɛnɛ kendana la wola w’elimu, ndo akina wekɔ l’atei w’ekakatanu wa wolo l’ahole wakambawɔ olimu. Onde wɛ fɔnyaka di’anto kokaka monga l’ɔngɛnɔngɛnɔ l’olimu ndo aha la wâle wa shisha olimu awɔ? [Tshikande akadimole. Oma lâsɔ ko wɛ mbadia Isaya 65:​21-23.] Numɛlɔ kɛnɛ ka Tshoto y’Etangelo tɛkɛtaka dikambo di’etena kele anto tshɛ wayonga l’olimu w’ɔlɔlɔ.”

Réveillez-vous! Ngɔ. ka 2, 8

“Réveillez-vous! ɔnɛ kɔndɔlaka dikambo dimɔtshi dia kandji efula diasalema lo nshi yaso nyɛ, dikambo diakɔ ko dieyanelo dia l’ana w’akɛnda. Yoho shɔ ya kɔlɔ yalanyawɔ ana w’akɛnda ekɔ dikambo dimɔtshi dialaka Bible ɔnɛ diɔ diayanga komɛ. [Adia Tukedi 2:​21, 22.] Periodikɛ kɛnɛ mɛnyaka kɛnɛ kele lo kiɔkɔ y’ɔhɛnyɔhɛnyɔ ɔsɔ wahomana l’ana w’akɛnda ndo woho wayokomɛ dikambo sɔ.”