Ekadimwelo lo ambola anyu

◼ Kakɔna kahombaso nsala naka wambotoshimba dia nsambisha?

Mbala mɔtshi apulushi wakelɛ apandjudi wakasambishaka lo yoho mɔtshi ko mbatɛ dia vɔ waki lo sekola ɛlɛmbɛ ndo wakâlɔmbɛ dia ntshika nsambisha. Naka wambototɛ ngasɔ, tomɔ oma lo dihole sɔ aha la tshimbatshimba ndo la loshilambo tshɛ. (Mat. 5:41; Fil. 4:5) Hatohombe nyanga dia nkandola dikambo sɔ shoamɛ lo nkɛtshanya la wɔ dia mbaɛnya dia ɛlɛmbɛ toshaka lotshungɔ la nsala dui sɔ. Naka kokaka, la yewo tshɛ toyange dia nkondja numɛlɔ ka mpɛtɛ yele la pulushi kakɔ ndo ka ɛtshi ka nkɛtɛ kalamande. Oma lâsɔ, ko sho ndjewoya dikumanyi aha la tshimbatshimba dia vɔ nsawola la Bɛtɛlɛ lo kɛnɛ kendana la dikambo sɔ. Woho akɔ wâmɛ mbele, naka kanga lokombo ambotɔlɔmba dia sho ntomba oma lo lokombo lande, kete sho pombaka ntomba aha la tshimbatshimba ndo ndjotɛ dikumanyi. Naka sho monga la memakana ndo la dilɛmiɛlɔ otsha le anto wele la lowandji lɔmɔtshi, kete sho kokaka mbewɔ ekakatanu wa tshanana.—Tuk. 15:1; Romo 12:18.