Lande na kahombaso ntshɔ aha la ntshimbatshimba?

Etena kɔtɔso losanganya l’otsha l’esambishelo, sho mongaka kaamɛ l’anangɛso ndo bu kɔlɔ sho nkombola dia nsawola lawɔ. Koko etena kashila losanganya l’ɔsɔ, sho pombaka nsala la wolo dia ntshɔ l’esambishelo mbala kakɔ ɔtɔi aha la ntshimbatshimba. Olimu aso w’esambishelo wekɔ wanyandja. (2 Tim. 4:2) Naka sho ndeka mbetsha wenya dia nsawola, kete tayetsha wenya yema tshitshɛ l’esambishelo. Etena keso l’esambishelo, mbayotoleka nkondja diaaso dia nsawola l’asekaso ambetawudi. Naka sho tombaka l’esambishelo aha la ntshimbatshimba, kete dui sɔ ayɛnya dia tekɔ lo kambɛ Jehowa ndo Ɔnande l’otema ɔtɔi.—Rɔmɔ 12:11.