Onde wɛ ambɛnyaka ompokami ayɛ woho

wa mbeka Bible lo wendelo wa ntondo?

Etena kalɔmbaso ampokami aso dia mbeka la wɔ Bible, amɔtshi mbutaka dia vɔ hawoyasha kana ɔnɛ vɔ wekɔ lo mbeka Bible l’ɛtɛmwɛlɔ awɔ. Lam’ele mbeyaka monga ko vɔ haweye ɔnɛ sho mbekaka Bible lo yoho yotshikitanyi l’ase ɛtɛmwɛlɔ ekina, vɔ haweye dia vɔ kokaka mbishola akambo efula lo wekelo wa Bible ndo ɔnɛ wekelo akɔ wekɔ dimɛna. Ɔnkɔnɛ, lo dihole dia nɔmba ompokami aso tsho dia mbeka la nde Bible, shi sho kokaka mbɔsa minitɛ ngana dia mbɛnya woho walɔmbɔlaso wekelo wa Bible lo wendelo wa ntondo? Ɛnyɛlɔ: Tatâlɔmbake tsho dia mbeka la wɔ Bible, koko towaɛnya woho wekaso l’anto Bible. Ɔnɛ mbele woho wakokaso nsala dikambo sɔ lo minitɛ ngana tsho lo nkamba l’alako wele lo lɛkɛ 6 la Olimu aso wa Diolelo wa Ngɔndɔ ka ntondo 2006:

“Onde wɛ fɔnyaka dia ɛtɛkɛta ɛnɛ wayokotshama lushi lɔmɔtshi? [Adia Isaya 33:24 ndo tshikande akadimole.] Lekɔ lo nanga kɛnya dikambo dimɔtshi di’ohomba diendana la ɔtɛ a dui ɔsɔ.” Sha ompokami ayɛ dibuku Bible etshatɔ ndo lɔmbande dia mbifola odingɔ 22 wele lo lɛkɛ 36. Adia dimbola diele l’ɛse ka dikatshi ndo lɔmba ompokami ayɛ dia nde nyanga okadimwelo etena katayadia odingɔ. Oma lâsɔ, oka ompokami ayɛ dimbola nto ndo hokamɛ okadimwelo washande. Adia divɛsa dikina nto kâmɛ la nde. Okande dimbola diayoyokadimɔma lo wendelo w’oyoyo ndo nyôkane lushi layoyoyowembola. Katshɛ asɔ atatɛ wekelo wa Bible!