Ngande wakokaso nkamba la fɔrmilɛrɛ Veuillez suivre l’intérêt (S-43)?

Nyu pombaka ndodia fɔrmilɛrɛ kɛnɛ etena kasambishanyu onto lɛnya nsaki lahadjashi l’ɛtshi kanyu ka nkɛtɛ kana latɛkɛta ɔtɛkɛta okina. Kânga mbele takakambaka la fɔrmilɛrɛ kɛnɛ etena kakatahomanaka l’onto latɛkɛta ɔtɛkɛta okina, oyadi nde mɛnya nsaki kana bu, oma ko kakianɛ tayokilodiaka paka naka onto ambɛnya nsaki. Hatotosala dui sɔ onyake naka tambohomana l’akanga a mpoke. Naka tambohomana l’akanga a mpoke, sho pombaka ndodia fɔrmilɛrɛ S-43 kânga naka vɔ hawɛnyisha nsaki.

Kakɔna kahombanyu nsala la fɔrmilɛrɛ l’ɔkɔngɔ wa nyu kilodia? Nyu pombaka kisha sekeletɛlɛ ka l’etshumanelo. Naka nde mbeyaka etshumanelo kahombande kitoma, kete nde kokaka kitomɛ dikumanyi dia l’etshumanelo kakɔ dia vɔ nsala kɛnɛ kahombama di’onto lakɛnya nsaki ɔsɔ membɔma. Naka nde heye etshumanelo kahombande kitoma, kete nde kokaka kitomɛ Bɛtɛlɛ.

Naka onto lakɛnya nsaki tɛkɛtaka ɔtɛkɛta okina ndo nde mbidjasɛka l’ɛtshi kanyu ka nkɛtɛ, kete nyu mbeyaka ntetemala mbembola dia nomialomia nsaki edja ndo lam’ayotomama opandjudi w’oma l’etshumanelo kasala nsanganya l’ɔtɛkɛta ande dia towembola.—Enda Olimu aso wa Diolelo wa Ngɔndɔ ka dikumi l’ɔtɔi 2009, lɛkɛ 4.