Bɛnyɛlɔ dia mbɔtwɛlɔ (Numɛlɔ kele bu l’Ɔtɛtɛla ko nyu menda lo Falase)

Woho wa ntatɛ mbeka l’anto Bible Lushi la samalo la ntondo la ngɔndɔ ka Samalo

“Sho tshɛ tambovushaka ase nkumbo yaso kana angɛnyi aso. Onde wɛ ekɔ l’elongamelo ka nyomowaɛna nto? [Tshikande akadimole.] Tende kanyi yasha ekeketshelo nyɛ.” Nyadia ndo nyɔkɛtshanya awui wele l’ɛse k’ɔtɛ a dui wa ntondo wa lo lɛkɛ 16 lo Tshoto y’Etangelo ya ngɔndɔ ka Samalo 1 ndo divɛsa ɔtɔi l’atei w’avɛsa amɔtshi woshilami laawɔ. Shande periodikɛ ndo yalɔngɔsɔla dia nkalola dia tɔsɛdingola kâmɛ la nde okadimwelo wa dimbola dikina.

Tshoto y’Etangelo ngɔndɔ ka Samalo 1

“Efula l’atei aso mongaka l’okakatanu dia ndjasɛnya l’edja ka ngɔndɔ k’otondo ndo anto amɔtshi kema la diangɔ diakokawɔ ndjasɛnya. Onde wɛ fɔnyaka dia ayonga etena kɛmɔtshi kele ndoko onto layoyala ose wola? [Tshikande akadimole. Oma lâsɔ, adia Osambu 9:18.] Periodikɛ kɛnɛ mɛnyaka kɛnɛ kele lo kiɔkɔ ya wola ndo akambo wata Bible lo woho wayokandɔma dui sɔ.”

Réveillez-vous ! ngɔndɔ ka Samalo

“Awui wa terɔrismɛ wekɔ lo salema l’andja w’otondo. Oko le yɛ, afɔnyayɛ ele lo kiɔkɔ ya dikambo sɔ? [Tshikande akadimole.] Ɛtɛkɛta wa lo Bible ɛnɛ toshaka elongamelo. [Osambu 72:7, 14.] Periodikɛ kɛnɛ nembetshiyaka ɛkɔkɔ ɛmɔtshi wambokokanɛ terɔrismɛ l’andja w’otondo ndo tɔ mɛnyaka dia kɛnɛ kata Bible lo kɛnɛ kendana la woho ndo etena kayoshila terɔrismɛ.”