Bɛnyɛlɔ dia mbɔtwɛlɔ

(Numɛlɔ kele bu l’Ɔtɛtɛla ko nyu menda lo Falase)

Woho wa ntatɛ mbeka l’anto Bible Lushi la samalo la ntondo la Ngɔndɔ ka samalo

“Anto suke la tshɛ wambosawola la so ɛlɔ kombolaka di’andja ɔnɛ monga lo wɔladi. Koko ata wekɔ lo ntetemala ndɔma tsho. Oko le yɛ, lande na kele ekɔ dui dia wolo di’andja ɔnɛ monga lo wɔladi?” Tshikande akadimole. Oma laasɔ, ɛnyande lohoso l’ekomelo la Tshoto y’Etangelo ya Ngɔndɔ ka samalo 1, ndo nyɔsɛdingole kaamɛ awui wele l’ɛse ka dimbola dia ntondo ndo avɛsa woshilami. Shande periodikɛ yakɔ, ndo nyookane dia wɛ ndjotshɔ towenda dia nyu tɔsɛdingola dimbola dikina.

Note: Ɛnyɛlɔ kɛnɛ pombaka salema lo Losanganya l’olimu la Ngɔndɔ ka samalo lushi 1.

Tshoto y’Etangelo Ngɔndɔ ka samalo 1

“Tekɔ lo tasawola lo tshena pe l’asekaso lo kɛnɛ kendana l’ekakatanu wadiɛnɛso sho tshɛ la wɔ. Efula k’anto wekɔ lo diɛnɛ l’awui wa kɔngɔdi ndo wa wɛngiya tena la tena. Ko onde wɛ fɔnyaka dia ekɔ dihole dimɔtshi dia l’andja ɔnɛ diele anto hawɔkɔngɔna ndo hawɛngiyana? [Tshikande akadimole.] Enda yema lanɛ woho wɔsa Nzambi anto tshɛ. [Adia Etsha 10:34.] Periodikɛ kɛnɛ tɛkɛtaka woho wayokomiya Nzambi awui tshɛ wa kɔngɔdi ndo wa wɛngiya mbala kakɔ ɔtɔi lo pondjo.”

Réveillez-vous ! Ngɔndɔ ka samalo

“Lam’alangɛ tekɔ lo nanga mbeya kanyi yayɛ lo dikambo dimɔtshi. Onto tshɛ kombolaka monga la lɔsɛnɔ la dimɛna. Ko onde wɛ fɔnyaka dia sho kokaka nkotsha oyango ɔsɔ lo ndjasha tshɛ l’osombelo wa lomombo la l’emunyi? [Tshikande akadimole.] Enda ɔhɛmwɛlɔ ɔnɛ waki Yeso. [Adia Luka 12:15.] Periodikɛ kɛnɛ mɛnyaka woho wakokaso monga la wɛdimo lo kɛnɛ kendana la diangɔ dia l’emunyi ndo mbishaka alako w’ohomba efula wendana la woho wa nkamba la diangɔ diaso lo yoho ya dimɛna.”