Yoho ya dimɛna ya ngɛnangɛna esambo wa Diolelo

Ekambi wa Nzambi mbɔsaka dia mishiki wekɔ woshasha wa dimɛna efula w’oma le Jehowa. (Jak. 1:17) Tshumanelo efula ngɛnangɛnaka mbidja esambo wa Diolelo la dui dia l’ɛse la ntondo ndo l’ɔkɔngɔ wa nsanganya ya l’etshumanelo. Mbidja mishiki wa Diolelo ekɔ yoho ya dimɛna yalongwamaso lo nsanganya. Vɔ tokimanyiyaka dia sho nɔngɔsɔla timba taso dikambo dia nsanganya. Lâdiko dia lâsɔ, memba esambo w’eyoyo oma lo dibuku diaso di’esambo tokimanyiyaka dia sho ndjaekesanyiya la mishiki wa Diolelo ndo mbeya memba esambo akɔ dimɛna. Mishiki wa ngasɔ wadjama l’ɔkɔngɔ wa nsanganya kimanyiyaka dia sho nkeketsha lɔngɛnyi lele lam’asaso. Ɔnkɔnɛ, elui wa dikumanyi tshɛ pombaka nɔngɔsɔla dia mishiki w’oma lo dibuku Tembe Jehowa—Mishiki wakadjama la piano mbidjamaka la ntondo kana l’ɔkɔngɔ wa losanganya. Vɔ pombaka ndjashikikɛ dia mishiki hawofukutanya asawo w’anto.