Omba
Onde wɛ ambokambaka la tobukubuku tɔnɛ?
La Bible—Quel est son message ?
Yakalɔngɔswama dia nkimanyiya anto waheye awui efula wa lo Bible, djekoleko wanɛ wele l’ɛtɛmwɛlɔ wele bu w’Akristo
Woho wa ndjilɛkɛ anto: “Sho nangaka mbeya kanyi yayɛ lo kɛnɛ kotami lo divɛsa nɛ (kana lo dibuku di’ekila nɛ). [Adia Osambu 37:11, dioshilami l’etenyi ka 11.] Oko le yɛ, ngande wayonga nkɛtɛ etena kayokotshama prɔfɛsiya kɛnɛ? [Tshikande akadimole.] Ɔnɛ ekɔ divɛsa dimɔtshi diɛnya elongamelo kana ekeketshelo kɛmɔtshi kakoka anto wa weho tshɛ ndo wele la mbetawɔ yotshikitanyi nkondja oma lo Bible.” Adia odingɔ wa mbɔtwɛlɔ wa lo lɛkɛ 3 ndo shande biukubuku.
Wɛ mbeyaka mpemba mbɔtwɛlɔ kɛnɛ: Naka wɛ ekɔ lo mbeka Bible l’onto lele l’ɔtɛmwɛlɔ wele bu w’Akristo lo dibuku Bible etshatɔ, kete ɔsaka minitɛ ngana l’etatelo kana l’ekomelo ka wekelo tshɛ dia nyu nsɛdingola etenyi kɛmɔtshi ka biukubuku nyɛ dia mbosha lokanyi la kɛnɛ kele lo Bible.
Cinq questions à se poser sur l’origine de la vie
Yakalɔngɔswama dia nkimanyiya ɛlɔngɔlɔngɔ l’esekaseka w’Akristo wetshawɔ wetshelo wa ohilwelo la kalasa. Yekɔ nto ohomba dia kana yimba l’anto wetawɔ wetshelo wa ohilwelo ndo wanɛ wahetawɔ ɔnɛ Nzambi ekɔ (Biukubuku nyɛ kɔnɔngɔswama dia sho mbisha anto l’esambishelo ka lo luudu la luudu.)
Woho wa nkamba la yɔ etena kasawolaso l’anto wetawɔ wetshelo wa ohilwelo ndo wanɛ wahetawɔ ɔnɛ Nzambi ekɔ: “Ɛlɔ kɛnɛ abuku w’ase siansɛ suke la tshɛ mbetshaka wetshelo w’ohilwelo. Onde wɛ mbetawɔka dia wetshelo wa ohilwelo wekɔ mɛtɛ kana ɔnɛ wamboyoshikikɛma paka nshi yɛ? [Tshikande akadimole.] Dia mbɔsa yɛdikɔ yohikami l’ewo ka mɛtɛ lekɔ l’eshikikelo dia wɛ ayetawɔ dia sho nsɛdingola wetshelo akɔ dimɛna. Biukubuku nyɛ mbishaka tolembetelo tɔmɔtshi tamboyokonya anto efula dia mbetawɔ ɔnɛ lɔsɛnɔ lakatongama.”
Wɛ mbeyaka mpemba mbɔtwɛlɔ kɛnɛ: Etena kayoyotshɔ la kalasa, kokitsha biukubuku nyɛ l’okala wodjashiyɛ dia menda kana asekayɛ wa la kalasa wayokombola awui wendana la yɔ.
Wɛ kokaka monga ɔngɛnyi wa Nzambi!
Yakalɔngɔswama dia nkimanyiya anto waki kombeka mukanda efula kana waheye mbadia dimɛna
Woho wa ndjilɛkɛ anto: “Onde wɛ fɔnyaka dia sho kokaka monga angɛnyi wa Nzambi? [Tshikande akadimole. Oma lâsɔ, adia Jakoba 2:23.] Biukubuku nyɛ yakalɔngɔswama dia tokimanyiya woho wa sho monga angɛnyi wa Nzambi oko waki Abarahama.”
Wɛ mbeyaka mpemba mbɔtwɛlɔ kɛnɛ: Oyadi lo wembwelo wa ntondo kana lo wendelo w’oyoyo, ɛnya onto woho wekaso l’anto Bible lo nkɛtshanya la nde wekelo 1 tshɛ kana etenyi.