Onde wɛ ayokondja wahɔ oma lo Tshoto y’Etangelo ya lo Angɛlɛ wa wɔdu?

Tshoto y’Etangelo ya wekelo yotondjama kakianɛ lo numɛlɔ ka Angɛlɛ wa wɔdu. Numɛlɔ kɛnɛ kakalɔngɔswama dikambo dia: 1) Apandjudi watɛkɛta Angɛlɛ wakombola nkondja wahɔ oma lo tɔtɛkɛta ta wɔdu ondo l’ɔtɛ wakiwɔ kɔmbɔtɔ kalasa efula; 2) apandjudi wele ɔtɛkɛta awɔ wa lôtɔ bu Angɛlɛ; 3) ɛlɔngɔlɔngɔ l’esekaseka mbidja ndo wanɛ wakɔtɔ kalasa ya totshitshɛ kana ya sekɔndɛrɛ; ndo 4) ambeki wa Bible wakombola nshihodia akambo wa lo nyuma lo tɔtɛkɛta ta wɔdu ndo tokɛma hwe.

Lofulo l’edingɔ, la ambola ndo la ɛtɛ w’awui mbɔtɔnɛka la lɔnɛ lele lo numɛlɔ ka wekelo kôkongaka laso. Awui wele lɔkɔ wekɔ woho akɔ ɔtɔi, koko tɔtɛkɛta mbambowɔlɛndjalɛndja. Kânga mbele ɔnɔmbɔdi wa Wekelo wa Tshoto y’Etangelo la ombadi wayokambaka la numɛlɔ kôkongaka laso, wanɛ wayokambaka la numɛlɔ ka wɔdu wayɛnaka avɛsa akɔ wâmɛ, esato akɔ wâmɛ ndo wayokoka tâyelaka wadielo w’edingɔ dia vɔ mbeya mbisha kɔmatɛrɛ. Onyake paka naka ampokami efula wekɔ la numɛlɔ ka wɔdu, mbahatosalema ngasɔ.

Onto tshɛ lɛna dia nde kokaka nkondja wahɔ oma lo Tshoto y’Etangelo ya Angɛlɛ wa wɔdu pombaka nsala kɔmandɛ ko kisha okambi wendana la periodikɛ.