Vidɛo yele l’ɔtɛ a dui ɔnɛ: Les Témoins de Jéhovah — la foi en action, 1re partie : la sortie des ténèbres
Lo Bible, osase nembetshiyaka akambo wa mɛtɛ ndo wodjima nembetshiyaka akambo wa kashi. (Osam. 43:3; Is. 5:20) Satana akɔtshiya wodjima l’andja etena kakandakese Eva ndo l’ɔkɔngɔ diko nde akayodianganyaka wodjima l’andja w’otondo. (Eny. 12:9) Vidɛo yele l’ɔtɛ a dui ɔnɛ: Les Témoins de Jéhovah — la foi en action, 1re partie : la sortie des ténèbres mɛnyaka woho wakatatɛ osase wa lo nyuma mpɛta oma lo wodjima. (Is. 60:1, 2) L’ɔkɔngɔ wa menda vidɛo nyɛ, enda kana wɛ kokaka nkadimola lo ambola wayela anɛ:
1) Ngande wakayala wodjima wa mamba l’ɔkɔngɔ wa nyɔi k’apɔstɔlɔ? 2) L’etatelo ka ntambe ka hende, kakɔna kakakimanyiya anto dia mɛna ɔnɛ ɛtɛmwɛlɔ kombetshaka akambo wa mɛtɛ? 3) Henry Grew nde la George Storrs waa na wakiwɔ? 4) Akambo akɔna wa lo lɔsɛnɔ laki Charles Russell wakonge la shɛngiya y’efula le nde? 5) Ngande wakalɔmbɔlaka ɔnangɛso Russell, she ndo asekawɔ akina wekelo awɔ wa Bible, ndo tɛdikɔ takɔna t’oma l’Afundelo takawɔshi? 6) Lande na kakayosanganaka olui w’ambeki wa Bible ɔsɔ la olui waki Nelson Barbour, ndo kakɔna kakayokonyaka dia ɔnangɛso Russell kakitɔna lawɔ? 7) Dikambo diakɔna diakasalema lo Ngɔndɔ k’esambele 1879 diakatatɛ ngamula osase wa lo nyuma? 8) Oma lâsɔ, kakɔna kakayosalaka olui w’Ambeki wa Bible wakatahamaka dia dianganya lokumu l’ɔlɔlɔ? 9) Ɛnɔnyi efula la ntondo ka 1914, dui diakɔna diakalongamɛka ambeki wa Bible ɔnɛ diayosalema l’ɔnɔnyi ɔsɔ? 10) Ekakatanu akɔna wakahomana l’Ambeki wa Bible l’ɔkɔngɔ wa nyɔi k’ɔnangɛso Russell? 11) Kakɔna kakasale Ambeki wa Bible l’ɔkɔngɔ w’ɔnangɛso Rutherford nde l’asekande ntomba oma lo lokanu? 12) Ngande wambofudia vidɛo nyɛ eokelo kayɛ ndo lowando lele layɛ otsha lo okongamelo wa Jehowa? 13) Ngande wambokeketsha vidɛo nyɛ eshikikelo kele la yɛ dia ntetemala nsambisha l’ohetoheto oyadi wekamu akɔna wayohomana la yɛ? 14) Ngande wakokaso nkamba la vidɛo nyɛ dia nkimanyiya ewotɔ aso, ambeki aso wa Bible ndo anto akina?
Ande sango dia lo nyuma dia dimɛna efula diakatotshikɛ ambeki wa Bible wa ntondo asɔ lee! Kânga mbakawasɛnaka l’andja wa wodjima, la dihonga tshɛ vɔ wakatetemala mpɛtsha osase l’ohetoheto tshɛ. Nyɛsɔ tokoya ɛnyɛlɔ kawɔ ndo “[t]okendekende uku ana wa yanyi.”—Ef. 5:8.