Vidɛo yele l’ɔtɛ a dui ɔnɛ: Les Témoins de Jéhovah — La foi en action, 2e partie : Que brille la lumière !

L’ɔkɔngɔ w’ɔnangɛso Rutherford nde l’asekande tshungɔ oma lo lokanu lo 1919, olimu wa woke efula wakakongɛka Ambeki wa Bible. Oko wadiɛnya vidɛo yele l’ɔtɛ a dui ɔnɛ: Les Témoins de Jéhovah — La foi en action, 2^e partie : Que brille la lumière ! Ambeki wa Bible wakahombe monga l’andɔshi efula, eokelo kawɔ k’Afundelo kakahombe ntetemala mpama ndo mbetawɔ kawɔ kakahombe mbɛdiama. (Tuk. 4:18; Mal. 3:1-3; Joa. 15:20) L’ɔkɔngɔ wa wɛ menda vidɛo nyɛ, onde wɛ kokaka nkadimola lo ambola wayela anɛ?

1) Toho takɔna takakambe l’Ambeki wa Bible dia dianganya lokumu l’ɔlɔlɔ? 2) Naa diewoyelo dia lânde diakashama lo losanganya lakasalema lo 1931 ndo lo 1935? 3) Awui akɔna w’ohomba wakakɛtshanyema lo Tshoto y’Etangelo ya Ngɔndɔ ka dikumi l’ɔtɔi 1, 1939 (lo Angɛlɛ)? 4) Kakɔna kakatombe la Madison Square Garden etena kakashaka ɔnangɛso Rutherford sawo diaki l’ɔtɛ a dui ɔnɛ: “Gouvernement et paix?” 5) Dui diakɔna diakaleke kɔngɛnyangɛnya lo sawo diaki ɔnangɛso Rutherford diaki l’ɔtɛ a dui ɔnɛ: “La paix de demain sera-t-elle de longue durée?” 6) Lo 1942, tɛdikɔ takɔna takɔshi Ɛmɛnyi wa Jehowa dia mpamia olimu awɔ w’esambishelo? 7) Enongo akɔna wakatɔlɛ Ɛmɛnyi wa Jehowa la ntondo ka lɛɛta lo wodja wa w’États-Unis, Canada ndo lo wodja wa Grèce. 8) Shɛngiya yakɔna yakonge la Kalasa ka Ngiliyadɛ lo kɛnɛ kendana l’ohamelo w’olimu w’esambishelo? 9) Naa olimu w’ohomba wakatatɛ lo 1946 ndo lande na kakiwɔ ohomba? 10) Tɛdikɔ takɔna takɔshi Ɛmɛnyi wa Jehowa dia ndjashikikɛ ɔnɛ lɔkɛwɔ lawɔ mbɔtɔnɛka l’ɛlɛmbɛ wa lo Bible? 11) Shila etshikitanu ɛmɔtshi wakasalema l’ɛnɔnyi wa 1970 dia okongamelo ndeka nkɛndakɛnda lo yoho yɔtɔnɛ la kɛnɛ ketsha Bible? 12) Ngande wambokokimanyiya wendelo wa vidɛo nyɛ dia wɛ ndeka nshihodia dia Jehowa mbalɔmbɔla okongamelo ande? 13) Ngande wambokokeketsha vidɛo nyɛ dia wɛ ndjashikikɛ dia ntetemala nsambisha l’ohetoheto kânga l’atei wa wekamu? 14) Ngande wakokaso nkamba la vidɛo nyɛ dia nkimanyiya ewotɔ aso, ambeki aso ndo anto akina?

Lushi tshɛ leeta, dui dimɔtshi di’oyoyo kotshamaka l’ɔkɔndɔ w’Ɛmɛnyi wa Jehowa. Kakɔna kɛnya ɔkɔndɔ lo kɛnɛ kendana la welo wadjaso l’olimu w’esambishelo? Oko wakasale anangɛso wa lo nshi y’edjedja, nyɛsɔ totetemale ‘ngamula osase aso’!—2 Kor. 4:6.