Onde wɛ ayokondja etombelo w’ɛlɔlɔ waya lo monga l’ɛtshi kayɛ hita ka nkɛtɛ?
1. Ɛtshi ka nkɛtɛ k’onto ndamɛ kɛdikɛdi na?
1 Ɛtshi ka nkɛtɛ k’onto hita kɛdikɛdi na? Lo tshumanelo diele la bɛtshi dia nkɛtɛ efula, ɛtshi ka nkɛtɛ k’onto hita ekɔ ɛtshi ka nkɛtɛ kakoka onto ndamɛ nsambisha, ndo kele mbala mɔtshi suke la dihole diodjashinde. Dibuku Tamboyakongɛ mbutaka lo lɛkɛ 103 ɔnɛ: “Naka ɛtshi kayɛ ka nkɛtɛ kekɔ lo dihole diakoka, kete kɛsɔ ayokokimanyiya dia nkamba dimɛna la etena katombayɛ lo esambishelo. Ndo nto, wɛ koka sɛngɔla apandjudi akina dia kotshindɛ lo ɛtshi kayɛ ka nkɛtɛ.”
2. Ngande wakokaso nkamba l’ɛtshi ka nkɛtɛ kaso hita dia sukɛ esambishelo ka l’olui?
2 Wongelo wa l’ɛtshi ka nkɛtɛ sukɛka esambishelo ka l’olui: Naka wɛ ambokondja ɛtshi ka nkɛtɛ kayɛ wɛmɛ, kete wɛ kokaka nsambisha lɔkɔ lo wonya wa diomuyelo kana la ntondo ka wɛ nkalola la ngelo, mbala mɔtshi wɛ l’opandjudi okina wakamba suke la dihole diayɛ di’olimu. Naka wɛ ambokondja ɛtshi kɛmɔtshi ka nkɛtɛ suke la lakayɛ, kete wɛ la nkumbo kayɛ kokaka sambishaka lɔkɔ lo wenya w’akɔlɔ naka kokaka. Lo mɛtɛ, naka wɛ hatshwe lo losanganya l’otsha l’esambishelo, kete wɛ pombaka nɔmba ɛlɔmbwɛlɔ ka Jehowa la ntondo ka wɛ ntatɛ nsambisha. (Flpɛ. 4:6) Ndo nto, wɛ hahombe mbohɛ dia sukɛ tɛdikɔ tɔsa etshumanelo dia nsambisha l’olui l’oyango wa wɛ nsambisha paka l’ɛtshi ka nkɛtɛ kayɛ hita. Etena kaya apandjudi efula lo losanganya l’otsha l’esambishelo, ndeka dimɛna sukɛ olui aso w’esambishelo.
3. Naka opandjudi monga l’ɛtshi kande hita ka nkɛtɛ, etombelo akɔna w’ɛlɔlɔ wayondokondja?
3 Etombelo w’ɛlɔlɔ: Naka wɛ ekɔ l’ɛtshi ka nkɛtɛ kayɛ wɛmɛ, kete wɛ ambokondja dihole dimɔtshi dia sambishaka mbala tshɛ keyɛ la diaaso. Wɛ koka sambishaka wenya efula ndo wɛ hatoshisha wenya efula lo lɔkɛndɔ. Dui sɔ kimanyiyaka apandjudi amɔtshi dia nkamba oko ambatshi mboka wa tshanda kana wa pondjo. Lam’ele anto wɛnya nsaki watanayɛ lawakawɔ wekɔ asukanyi ayɛ, wɛ hatonga l’okakatanu wa nsala wendelo w’eyoyo ndo mbeka la wɔ Bible. Apandjudi efula mɛnaka dia onto l’onto sambishaka l’ɛtshi ka nkɛtɛ kande hita mbakimanyiyaka dia mbeya anto wa l’ɛtshi kawɔ ka nkɛtɛ dimɛna, djekoleko naka onto kokaka nshidiya kikindjakindja ndekana mbala ɔtɔi la ntondo ka vɔ ndjokisha onto okina. Onde nsambisha l’ɛtshi kayɛ hita ka nkɛtɛ ayokokimanyiya wɛ la nkumbo kayɛ dia nkotsha olimu ayɛ dimɛna dimɛna?—2 Tim. 4:5.