Onde wɛ pombaka mpembola?

Etena keso l’esambishelo, apandjudi amɔtshi mongaka la mbekelo ka pembolaka esambishelo lo wonya ɔmɔtshi, mbala mɔtshi la midi. Lo mɛtɛ, akambo wele l’apandjudi amɔtshi mbaalɔmbaka dia vɔ mpembola esambishelo lo wonya ɔmɔtshi wa shikaa. Onde wɛ pembolaka olimu ayɛ w’esambishelo paka nɛ dia anto akina wa l’olui anyu wambohembola kana nɛ dia anto wa l’ɛtshi kanyu ka nkɛtɛ pembolaka esambishelo lo wonya ɔmɔtshi wa shikaa? Onde wɛ kokaka ntaloya yema ndo nsambisha lo toho tɔmɔtshi t’esambishelo ka lo sɛkɛ, ɛnyɛlɔ lo toshinga? Onde wɛ kokaka membola onto ɔtɔi kana anto ahende wonya watayakalola otsha la ngelo? Ohokanyiya ɔngɛnɔngɛnɔ wayonga la yɛ naka wɛ ntana kaanga onto ɔtɔi lakande kana naka wɛ ambosha ambetshitshi periodikɛ nkina nto etena katayakalola otsha la ngelo! Naka sho nsambisha nto kaanga minitɛ ngana aha la mpembola esambishelo, kete ɔsɔ ayonga yoho mɔtshi ya sho mfudia ‘olambo aso wa lotombo.’—Hɛb. 13:15.