Tɔtɛkɛtɛ akambo wele lo periodikɛ ɔtɔi, koko tootshike periodikɛ yakɔ hiende
Periodikɛ yaso tshɛ yekɔ l’asawo efula wemula nsaki y’anto. Lo dihole dia ntɛkɛta awui wele lo asawo efula lo luudu la luudu, ndeka dimɛna nkɛtshanya l’ompokami awui wele lo sawo ɔtɔi. Naka tayonga la shɛnɔdi ndo tayoyaekesanyiya lakambo wele lo periodikɛ, kete tayɔsɔna sawo dimɔtshi diele lo Tshoto y’Etangelo kana Réveillez-vous ! diayokotola yambalo y’ompokami aso. Ɛnyɛlɔ, naka tambɛna diangɔ diatɔkɛnyaka la ana lo luudu kana l’andja, kete sho koka nsɔna sawo diendana la lɔsɛnɔ la nkumbo diele lo periodikɛ kɛmɔtshi. Naka pami mbotanyiso, kete sho koka nsɔna sawo dimɔtshi diatokotolaka yambalo y’apami efula, oko wanɛ wendana la lowandji la dimɛna. Kaanga mbakokaso nkɛtshanya awui wele lo sawo ɔtɔi, lo mɛtɛ sho pombaka tshikɛ ompokami aso periodikɛ yakɔ hiende naka nde ambɛnya nsaki.