Onde wɛ hakoke nɔmba anto akina dia vɔ nsambisha la yɛ?

Tshumanelo efula diekɔ l’apandjudi wele l’ekakatanu dia ndjasha efula l’esambishelo l’ɔtɛ wewɔ la hemɔ yahakɔnɔ kana wambowotshunda efula. (2 Kɔr. 4:16) Shi wɛ koka nɔmba anto wa ngasɔ dia vɔ kotshindɛ dia teka l’ombeki ayɛ ɔmɔtshi wa Bible? Naka opandjudi wele l’okakatanu wa ngasɔ hakoke mimɔ oma lakande, kete ondo wɛ koka ndja l’ombeki ayɛ wa Bible lakande dia nyu ndjeka la nde. Shi wɛ kokaka mbokanaka lo tena dimɔtshi l’apandjudi wele l’ekakatanu wa ngasɔ dia nsambisha la wɔ lo luudu la luudu lo mvudu ngana tsho kana nsala wendelo w’oyoyo ɔtɔi kana ehende? Apandjudi efula w’esombe wekɔ la diewo efula dia nsambisha. Diakɔ mbele, welo wayoyodja dia mbakimanyiya honga tsho dia mbakeketsha, koko ndo wɛ lawɔ ayokondja wahɔ oma lɔkɔ. (Rɔmɔ 1:12) Laadiko dia laasɔ, Jehowa ayokofuta l’ɔtɛ wa welo wadjayɛ dia mbaɛnya ngandji kawaokayɛ lo yoho shɔ.—Tuk. 19:17; 1 Jni. 3:17, 18.