Tokambake la sitɛ kaso k’Ɛtɛrnɛtɛ lo esambishelo​—“Ekadimwelo lo ambola w’oma lo Bible”

Etenyi ka sitɛ kaso ka jw.org kele l’ɔtɛ a dui ɔnɛ: “La Bible et vous,” kekɔ la etenyi kɛmɔtshi kele l’ɔtɛ a dui ɔnɛ: “Questions bibliques.” Naka sho ndjaekesanyiya la ambola waleka anto mimbola asɔ, kete tayokoka nɔmbɔla ampokami aso mbala kakɔ ɔtɔi dia vɔ ntana ekadimwelo w’oma lo Bible lo sitɛ kaso. Sho koka nto nkamba la ambola asɔ dia ntatɛ l’onto sawo lo esambishelo. Sho koka nsɔna dimbola dimɔtshi dialeka mendana l’anto wa l’ɛtshi kaso ka nkɛtɛ, ko sho mimbola ompokami kanyi yande, ndo oma laasɔ ko sho mbɛnya kɛnɛ kata Bible, lo nkamba la ekadimwelo wele lo jw.org. L’ɔkɔngɔ diko, sho koka mbolembetshiya kana mbɛnya lɛnɛ akatatanyi ekadimwelo. Yoho kina ele mbotshika nde mbadia ekadimwelo mbala kakɔ ɔtɔi oma lo sitɛ kaso. Wadi aki omendji weteta ɔmɔtshi ambokondja etombelo w’ɛlɔlɔ lo mbutɛka ompokami ɔnɛ: “Anto efula ndjambolaka ɔnɛ: ‘Onde Nzambi mbele lo kiɔkɔ y’asui aso?’ Onde wɛ nangaka mbeya okadimwelo wa dimbola sɔ lo sekɔndɛ 51 tsho?” Oma laasɔ, ko nde mbodjɛ awui wakasangɔma wakandatelesharjɛ wele la okadimwelo akɔ lo telefɔnɛ kande. Nde komiyaka sawo diawɔ lo mbɛnya tshapita 11 ya dibuku Bible etshatɔ.