“Handjowotana la ngelo!”

Onde wɛ atataka tshɛkɛta shɔ ndoko lushi l’ɔtɛ w’onto ɔmɔtshi lakɛnya nsaki? Oyadi kaanga wɛ ambotshɔ mbala la mbala dia towenda, wɛ atatɛ ashi lo ntɔngɔ y’akambo wa mɛtɛ yakayonɛ. (1 Kɔr. 3:6) Mbala efula, apandjudi wambohokɔ akambo fundɛka onto ɔmɔtshi lahawatanyi la ngelo mukanda, kana mbotshikɛ nɔtɛ la soko. Apandjudi amɔtshi mbewɔka okakatanu wahatana anto la ngelo ɔsɔ lo mbalɔmba numɛlɔ ya telefɔnɛ ndo mbambola ɔnɛ: “Onde wɛ ayolanga dimi kofundɛ mesajɛ?” Sho koka mbadia wendelo w’oyoyo etena katshɔso dia tembola onto kana kawosambishaso lo tshimbo ya mukanda, ya e-mail, ya mesajɛ, k’otshikɛso nɔtɛ la soko kana kawelɛso lo telefɔnɛ. Oyadi kaanga nde haleke ntanema la ngelo, sho pombaka ntetemala nomialomia nsaki kande.