Tolowanya akoka aso wa nsambisha—Lo monga l’anto wa mbishaka periodikɛ mbala la mbala

Ohomba wa dikoka sɔ: Anto efula wangɛnangɛna mbadia periodikɛ yaso hawolange mbeka Bible la so. Ondo l’ɔtɛ wangɛnangɛnawɔ l’ɛtɛmwɛlɔ awɔ ko kana l’ɔtɛ wafɔnyawɔ dia vɔ bu l’etena ka mbeka. Koko, etena kadiawɔ periodikɛ yaso mbala la mbala, vɔ koka ndjonga la nsaki k’Ɔtɛkɛta wa Nzambi. (1 Pet. 2:2) Sawo dimɔtshi mbeyaka ndjonanda etema awɔ ndo awui wele la wɔ mbeyaka ntshikitana. Wembwelo wa lo tshena pe wa mbala la mbala koka mbakeketsha dia vɔ ndjaɔtɔnganyiya la so ndo tokimanyiya dia mbeya awui wayashawɔ lɔkɔ ndo ekiyanu wele la wɔ. Yema yema, nyu mbeyaka ndjotatɛ mbeka Bible.