Dui di’oyoyo diendana la woho wa ntatɛ sawo l’onto

Ntatɛ Ngɔndɔ ka ntondo 2016, dikatshi di’ekomelo dia Tshoto y’Etangelo y’anto tshɛ diayongaka la dimbola diata ɔnɛ: “Bible atatɔ?” Dui di’oyoyo sɔ diekɔ l’oyango wa tokimanyiya dia ntatɛ nsawola l’onto awui wa lo Bible. Dui di’oyoyo sɔ fɔnaka la traktɛ yaso. Dui di’oyoyo sɔ diayongaka la dimbola, oma laasɔ ko okadimwelo w’oma l’Afundelo ndo awui akina wa nkɛtshanya l’onto.

Sawo dia dimɛna di’awui w’oma l’Afundelo konyaka mbala efula lo wekelo wa Bible. Kamba l’ehomɔ k’oyoyo kɛnɛ dia nkimanyiya anto efula dia mondoya mposa kawɔ k’awui wa lo nyuma.​—Mat 5:6.

WOHO WA NKAMBA LA DUI DI’OYOYO SƆ:

1. Mbola kanyi y’ompokami lo dimbola dimɔtshi

2. Hokamɛ ndo nshihodia dimɛna okadimwelo ande

3. Adia divɛsa diele l’ɛse k’ɔtɛ a dui wata ɔnɛ: “Bible atatɔ” ndo mbolande kanyi yande lo divɛsa diakɔ. Naka nde ekɔ l’etena, tetemala la sawo, nkamba la kɛnɛ kele l’ɛse k’ɔtɛ a dui wata ɔnɛ: “Naa awui akina wakokaso mbeka oma lo Bible?”

4. Shande periodikɛ

5. Yalɔngɔsɔla dia nkalola ndo ndjɔkɛtshanya la nde dimbola dia hende