Okahanyelo w’akatshi wa leeta w’oya lo losanganya la rɛjɔ

Ɔnɔnyi tshɛ, sho kongɛka l’asolo walomɔlomɔ mbo ya ndɛ ya lo nyuma yatokatɛwɔ lo nsanganya yaso ya rɛjɔ. Laasɔ di’anto akina ndjɔlɛta ɔlɔlɔ wa Jehowa, tayelɛ anto efula dia ndjosangana kaamɛ la so. (Osa 34:8) Olui tshɛ wa dikumanyi ayoshikikɛ yoho yoleki dimɛna ya nkahanya akatshi wa leeta lo yɛdikɔ y’efula.

AWUI WAHOMBASO MBOHƆKA

• Etena kakɔna kayotɔtɔ lo Losanganya la rɛjɔ?

• Etena kakɔna kayotatɛ okahanyelo w’akatshi wa leeta l’ɛtshi kaso ka nkɛtɛ?

• Wonya akɔna wayotɔtɔka nsanganya y’otsha l’olimu w’esambishelo?

• Eyango akɔna wayomoyadjɛ lo kɛnɛ kendana l’okahanyelo w’akatshi wa leeta?

• Anto akɔna wasangoyami mbelɛ?

KAKƆNA KAYOYOTA?

L’ɔkɔngɔ wa wɛ mbisha onto mɔyɔ, wɛ kokaka mbotɛ ɔnɛ:

“Tekɔ lo takahanya akatshi wa leeta wakahanyema l’andja w’otondo dia mbelɛ anto oya lo dui dimɔtshi di’ohomba efula. Datɛ, wonya ndo dihole diayosalema losanganya mɛnyama lo dikatshi dia leeta nɛ. Tayɔngɛnangɛna monga la yɛ kaamɛ.”

NGANDE WAKOKAYƐ NOMIALOMIA NSAKI?

Lam’ele sho nangaka mbelɛ anto efula oya lo Losanganya la rɛjɔ, sho pombaka nkamba la diaaso tshɛ diele laso dia nomialomia nsaki tshɛ kakɛnya onto.

Etena kakahɛso anto periodikɛ lo waa wikɛndɛ, sho koka mbasha ndo akatshi wa leeta mbala kakɔ ɔtɔi.