Wetshelo waki Nzambi nɛndjaka tokanyi ta kananɛ kɔlɔ

Jehowa keema la shɔnɔdi. (Ets 10:34, 35) Nde mbetawɔka anto w’oma “lo wedja tshɛ, oma lo waoho tshɛ ndo weho w’anto tshɛ ndo oma l’ɛtɛkɛta tshɛ.” (Ɛny 7:9) Ɔnkɔnɛ, tshelo ya kananɛ kɔlɔ kana monga la shɔnɔdi bu la dihole l’etshumanelo k’Akristo. (Jak 2:1-4) Diɛsɛ la wetshelo waki Nzambi, tekɔ lo paradiso ka lo nyuma lɛnɛ ɛnaso woho watshikitanya anto waonga awɔ. (Isa 11:6-9) Naka sho nsala la wolo dia minya oma l’etema aso tokanyi tshɛ tendana la kananɛ kɔlɔ, kete tayɛnya dia sho mbokoyaka Nzambi.—Ɛf 5:1, 2.

NYENDE VIDƐO YELE L’ƆTƐ A DUI ƆNƐ: JOHNY NDE LA GIDEON: WAKI NTONDO ATUNYI, KOKO KAKIANƐ WAYA ONTO L’ƆNANGO. OMA LAASƆ, NYOKADIMOLE LO AMBOLA WAYELA ANƐ:

• Lande na kele wetshelo waki Nzambi ndeka welo wadja anto dia minya diɛngiya kana kananɛ kɔlɔ?

• Kakɔna kakambiya lo kɛnɛ kendana la nkumbo kaso k’onto l’ɔnango ka l’andja w’otondo?

• Ngande watombɔma Jehowa etena kalamaso kaamɛ k’Akristo?