Taalongole la wangasanu tshɛ

Waa na asɔ walongolaso la wangasanu tshɛ? Ekɔ wanɛ tshɛ wɔtɔ lo nsanganya yaso y’Akristo, eyoyo ndo asekaso wambetsha edja ndja lo nsanganya. (Rɔm 15:7; Hɛb 13:2) Mbeyaka monga osekaso ombetawudi l’oma lo wodja okina kana Okristo wambɔla lo nyuma ko amboya lo nsanganya l’ɔkɔngɔ w’ɛnɔnyi. Ohokanyiya woho woyoyoyaoka lo waaso wa ngasɔ. Shi wɛ ayɔngɛnangɛna vɔ kosha mɔyɔ la wangasanu tshɛ? (Mat 7:12) Ko lande na kahayadje welo w’efula etena keyɛ lo Mbalasa ka Diolelo dia mbisha anto akina mɔyɔ la ntondo ndo l’ɔkɔngɔ wa nsanganya? Kɛsɔ ayosala dia wangasanu ndo ngandji monga l’etshumanelo ndo Jehowa ayotombɔma. (Mat 5:16) Ekɔ mɛtɛ dia hatotokoka nsawola l’onto tshɛ lakaye lo losanganya. Kaanga mbediɔ ngasɔ, wanɛ tshɛ wakaye lo losanganya wayɛna dia wambolongɔma naka sho tshɛ mbidja welo.a

Olongwanelo wa dimɛna hawɛnama tsho lo waaso wa laande wele oko lo Eohwelo kana l’ahole akina. Etena kɛna eyoyo ngandji kokana Akristo lo etsha, vɔ mbeyaka tshutshuyama dia ntombola Nzambi ndo ndja l’ɔtɛmwɛlɔ wa pudipudi.—Jni 13:35.