Esambo wa Diolelo mbishaka dihonga

Pɔɔlɔ la Silasɛ wakatombola Nzambi la osambo etena kakiwɔ lo lokanu. (Ets 16:25) Nshi yaso nyɛ, asekaso ambetawudi wakembe esambo wa Diolelo etena kakiwɔ lo pango ka lokanu ka la Sachsenhausen lo Nazi ndo etena kakiwɔ lo dawo la Sibérie. Bɛnyɛlɔ sɔ mɛnyaka dia esambo wekɔ la wolo wa mbisha Akristo wele lo ehemba dihonga.

Keema edja, ɛtɛkɛta ekina efula wayanga nkondja dibuku di’oyoyo di’esambo diele l’ɔtɛ a dui ɔnɛ: “Tembee Jehowa l’ɔngɛnɔngɛnɔ”. Etena kayotokondja kɔpi kaso, sho koka kakatshiya ɛtɛkɛta lo timba taso lo mboholaka esambo lo Ɔtɛmwɛlɔ wa lo nkumbo. (Ɛf 5:19) Ko nyuma k’ekila kayotokimanyiya dia ndjowaohɔ etena kayotonga lo ehemba. Esambo wa Diolelo tokimanyiyaka dia mbidja yimba lo elongamelo kaso. Vɔ koka tokeketsha etena kahomanaso l’ehemba. Ndo etena kayaokaso dimɛna, ɛtɛkɛta w’amɛna wele lo esambo tokimanyiyaka dia ‘memba l’ɔngɛnɔngɛnɔ’ l’ɔtɛ w’ɔlɔ wele laso l’otema. (1Ɛk 15:16; Os 33:1-3) Nyɛsɔ sho tshɛ tokambake dimɛna la esambo aso wa Diolelo.

NYENDE VIDƐO YELE L’ƆTƐ A DUI ƆNƐ: OSAMBO WAKAKEKETSHA AKAMBI W’OLIMU, NDO OMA LAASƆ, NYOKADIMOLE LO AMBOLA WAYELA ANƐ:

• Awui akɔna wakakonya ɔnangɛso Frost dia nde nkongɛ osambo?

• Ngande wakakeketsha osambo akɔ anangɛso waki lo pango ka lokanu ka la Sachsenhausen?

• Lo awui akɔna wa lo lɔsɛnɔ la lushi la lushi wakoka esambo wa Diolelo kokeketsha?

• Naa esambo wa Dioelo wakombolayɛ nkimɛ l’ɔtɛ?