Tolowanya akoka aso wa nsambisha lo salaka wendelo w’eyoyo

OHOMBA WA DUI SƆ: Anto efula wɛnya nsaki lo losango la Diolelo wekɔ lo nyanga akambo wa mɛtɛ wendana la Nzambi. (Isa 55:6) L’oyango wa sho mbaetshaka yema yema, sho pombaka kalolaka towaembolaka mbala la mbala. Anto efula pomanaka l’ekakatanu wotshikitanyi, ɔnkɔnɛ yoho yalomialomiaso nsaki kawɔ ayotshikitana. Koko, tayoleka nkondja etombelo w’amɛna naka sho ndjalɔngɔsɔla dimɛna ndo monga l’oyango lo wendelo tshɛ dia ntatɛ wekelo wa Bible.

WOHO WA NSALA DUI SƆ:

• Sala la wolo dia nkalola aha la ntshimbatshimba, ondo l’ɔkɔngɔ wa nshi ngana.—Mat 13:19

• Onga oko ɔngɛnyi ndo la dilɛmiɛlɔ. Onga l’osalosalo

• Tatɛ la mbosha mɔyɔ la wangasanu tshɛ. Elɛnde lo lokombo lande. Oholande lande na kamboyokalola ndjowembola, ondo dia ndjokadimola lo dimbola diande dimɔtshi, dia ndjootshikɛ periodikɛ kɛmɔtshi keke katomba, dia ndjowɛnya sitɛ kaso k’Ɛtɛrnɛtɛ, dia ndjowɛnya vidɛo mɔtshi kana dia ndjowɛnya woho wekaso l’anto Bible. Tshikitanya ɛtɛkɛta ayɛ naka nde ambɛnya nsaki lo dui dikina.—Flp 2:4

• Tɛɛ ashi lo lɔtɔngɔ l’akambo wa mɛtɛ wakonɛma l’otema ande lo mbotɛ kanyi mɔtshi y’oma l’Afundelo ndo ondo lo mbotshikɛ okanda ɔmɔtshi. (1Kɔ 3:6) Sala dia monga la diɔtɔnganelo dia dimɛna la nde

• Tshika dui dimɔtshi dia ndjosala wendelo okina