Lo ntshika dui dimɔtshi dia ndjosala wendelo w’oyoyo

OHOMBA WA DIKOKA SƆ:

Sho nangaka mbitɛ ashi lo ntɔngɔ y’akambo wa mɛtɛ yonɛso. (1 Kɔ 3:6) Etena katanaso onto lɛnya nsaki, ekɔ dimɛna mbotshika la dimbola diakokaso ndjɔkɛtshanya la nde etena kayotoyokalola. Kɛsɔ kayolomialomia nsaki kande ndo tayoyalɔngɔsɔla dikambo dia wendelo w’oyoyo aha l’okakatanu. Etena kakawolaso, sho koka mbotɛ dia tamboya dia ndjokadimola lo dimbola diakatatshike mbala ketshi.

WOHO WA NSALA DUI SƆ:

• Etena kalɔngɔsɔlayɛ mbɔtwɛlɔ kayokamba la yɛ l’esambishelo ka lo luudu la luudu, lɔngɔsɔla ndo dimbola diayoyokadimɔma mbala kayaye. Dɔ koka monga dui dimɔtshi diokadimɔmi lo okanda washayɛ onto. Kana dɔ koka monga dimbola diakakadimɔma lo ekanda aso ɔmɔtshi wekaso l’anto walangayɛ tokamba la wɔ dia mbɔtshiya sawo lo wendelo ayɛ w’oyoyo.

• Etena kakomiyayɛ sawo diayɛ l’onto ɔmɔtshi lɛnya nsaki, ɛnyande nsaki kayɛ ka nsawola la nde nto ndo oma laasɔ okande dimbola diakayatalɔngɔsɔdi. Naka kokaka ɔsa adrɛsɛ ndo numɛlɔ yande ya telefɔnɛ.

• Naka wɛ mbotɛ dia wɛ ayokalola lo wonya kapanda, kɔɔlɛmiya kɛnɛ kakayate.​—Mat 5:37.