Tolowanya akoka aso wa nsambisha​—Lo nkamba dimɛna la ambola

OHOMBA WA DIKOKA SƆ: Naka “tokanyi ta lo otema w’onto tekɔ oko ashi wa dingunda,” kete ambola wekɔ oko bomba kakimanyiya dia mbaatahola. (Tok 20:5) Ambola tokimanyiyaka dia ampokami aso ntɛkɛta. Mbala efula, ekadimwelo lo ambola wɔsɔnami dimɛna koka nkimanyiya dia mbeya woho wayaoka ampokami. Yeso akakambaka dimɛna la ambola. Ngande wakokaso mbookoya?

WOHO NSALA DUI SƆ

• Mbola ambola wakimanyiya dia mbeya kanyi y’onto. Yeso akoke ambola dia mbeya kanyi y’ambeki ande. (Mat 16:13-16; be 238 od. 4-6) Naa ambola amɔtshi wakokayɛ mimbola dia mbeya kanyi y’onto?

• Mbola ambola w’olowanyelo. Dia nde nkimanyiya Petero dia ntshikitanya ekanelo kande, Yeso akambola ambola ndo ekadimwelo wakashama wakakonya Petero dia nde monga la eokelo ka dimɛna. (Mat 17:24-26) Naa ambola amɔtshi w’olowanyelo wakokayɛ mimbola dia nkimanyiya onto ɔmɔtshi dia nde monga la eokelo ka dimɛna?

• Andola ompokami ayɛ. Lam’akoke Yeso dia ofundji ɔmɔtshi “ambokadimola dimɛna,” nde akawaandola. (Makɔ 12:34) Ngande wakokayɛ mandola onto ɔmɔtshi losha okadimwelo lo dimbola?

NYENDE ETENYI KA NTONDO KA VIDƐO YELE L’ƆTƐ A DUI ƆNƐ: TOKAMBE OLIMU WAKAKAMBE YESO—OLIMU WA MBETSHA, NDO OMA LAASƆ, NYOKADIMOLE LO AMBOLA WAYELA ANƐ:

• Lande na kele ɛnyɛlɔ kɛnɛ ekɔ yoho ya kɔlɔ ya mbetsha kaanga mbele awui wa lɔkɔ wekɔ mɛtɛ?

• Lande na kele hatohombe nkomɛ tsho lo nembetshiya akambo?

NYENDE ETENYI KA HENDE KA VIDƐO, NDO OMA LAASƆ, NYOKADIMOLE LO AMBOLA WAYELA ANƐ:

• Ngande wakakambe ɔnangɛso la ambola dimɛna?

• Naa toho tokina ta wetshelo ande takokaso mbokoya?