Wetshelo akɔna wakokayɛ nkondja oma l’esambo wa laande?

Naa esambo ɛmɔtshi wa laande watoyolekaka nanga? Lande na? Onde wɛ hɛnyi dia tovidɛo tɔsɔ tekɔ l’awui wɔtɔnɛ la lɔsɛnɔ layɛ la lushi la lushi? Onto tshɛ kondjaka wahɔ lo ɛtɛ w’awui ndo toho ta mishiki totshikitanyi tɔsɔ. Koko, esambo wa laande ndo mishiki wele la tovidɛo ɛsɔ bu tsho tɔkɛnyɔ koko wekɔ la wetshelo w’ohomba.

Osambo tshɛ wa laande mbishaka wetshelo w’ohomba wakokaso nkamba la wɔ lo lɔsɛnɔ laso la Okristo ndo l’olimu w’esambishelo. Esambo ɛmɔtshi wa l’atei awɔ mbikaka epole ɔsɛkɛ lo mbekelo ka nongɔnaka, monga kaamɛ, lɔngɛnyi, dihonga, ngandji kana lo mbetawɔ. Ekina mɛnyaka woho wa nkalolɛ Jehowa, woho wa dimanyiyana, wa ntshikala l’olowanyi lushi tshɛ ndo wa mbesa eyango wa lo nyuma. Tekɔ nto l’osambo okina wa laande wɛnya woho wa monga la wɛdimu l’okambelo aso wa la telefɔnɛ. Naa wetshelo ekina w’ohomba wakayatane l’esambo wa laande?

NYENDE VIDƐO YELE L’ƆTƐ A DUI ƆNƐ: DAKA DIA PARADISO DIAYA KA SUKE LA SOKO NDO OMA LAASƆ, NYOKADIMOLE LO AMBOLA WAYELA ANƐ:

• Naa ɛtshɔkɔ wa lo nshi yayaye wakana yimba la atshukanyi w’epalanga ango?​—Eta 12:3

• Ngande wakeketshama mbetawɔ kaso lo dikoka diele la Jehowa dia nkotsha alaka ande?

• Naa nsanganya mɔtshi y’ɔngɛnɔngɛnɔ yaya suke?

• Ngande watokimanyiya elongamelo ka Diolelo dia mbikikɛ ehemba wa nshi nyɛ?​—Rɔm 8:25