Onde wɛ kondjaka wahɔ oma lo biukubuku Tɔsɛdingolake Afundelo lushi la lushi?

Onde wadielo wa Bible ndo kɔmatɛrɛ k’oma lo Tɔsɛdingolake Afundelo lushi la lushi mbele dui diasalayɛ lushi tshɛ dia ndjasukanya la Jehowa? Naka keema, onde wɛ hakoke mbodiɔsa oko mbekelo kayɛ ka lushi la lushi? Anto efula sɛdingolaka divɛsa dia lushi kamatatɛ lushi woho wa vɔ takanaka yimba l’awui asɔ l’elimu awɔ wa lushi la lushi. (Jas 1:8; Os 119:97) Ngande wakokayɛ nkondja wahɔ efula oma lo ɔsɛdingwelo wa divɛsa? Adia divɛsa dia lo Bible dia nembetɛ ɔkɔndɔ. Sala la wolo dia kanaka yimba la ɔkɔndɔ ɔmɔtshi wa lo Bible wɛnya ndo waka epole ɔsɛkɛ l’atɔndɔ w’ohomba wa lo divɛsa. Oma laasɔ, kamba la atɔndɔ akɔ lo lɔsɛnɔ layɛ hita. Etena konga Ɔtɛkɛta wa Nzambi la shɛngiya lo tɛdikɔ tayɛ, dui sɔ koka kɔlɔmbɔla lo lɔsɛnɔ layɛ ndo kokondjiyɛ wahɔ w’oshika.​—Os 119:105.

Ase nkumbo ka Bɛtɛlɛ ya l’andja w’otondo sɛdingolaka divɛsa dia lushi la lushi etena kalɛwɔ yangɔ ya la pindju. Lo ɛnɔnyi wetshi, tovidɛo efula ta ɔtɛmwɛlɔ wa la pindju takadjama lo JW Televiziɔ^® lo etenyi ka AKAMBO WETA NDO ASAWO. Etena kakɔna k’ekomelo kakayatendji vidɛo mɔtshi kana efula l’atei atɔ? Ondo efula l’atei atɔ tekɔ tɔnɛ teyɛ mɛtɛ l’ohomba atɔ. Ɛnyɛlɔ, ngande wakoka ɔkɔndɔ wa Lɔta monga la shɛngiya lo tɛdikɔ tɔsayɛ?

NYENDE VIDƐO YELE L’ƆTƐ A DUI ƆNƐ: TANYOLANGAKE ANDJA ƆNƐ (1JN 2:15) NDO OMA LAASƆ, NYOKADIMOLE LO AMBOLA WAYELA ANƐ:

• Divɛsa diakɔna dia lo Bible diɔsami Ɔtɛmwɛlɔ wa la pindju ɔnɛ?

• Ngande wɛnya ɔkɔndɔ wa Lɔta waale waya lo nanga andja ɔnɛ kana diangɔ dia lɔkɔ?​—Eta 13:12; 14:12; 19:3, 12, 13, 24-26

• Ngande wɛnyaso dia sho nangaka Jehowa koko aha andja ɔnɛ kana diangɔ diele lɔkɔ?