AKAMBO W’OHOMBA W’OMA L’ƆTƐKƐTA WA NZAMBI | ETOMBELO 10-11

Mɔsɛ nde l’Arɔna wambɛnya dihonga di’efula

10:3-6, 24-26, 28; 11:4-8

Mɔsɛ nde l’Arɔna wakɛnya dihonga di’efula etena kakawatɛkɛtaka la Farawɔ, pami kakaleke wolo efula l’andja wa l’etena kɛsɔ. Kakɔna kakakimanyiya dia vɔ nsala dui sɔ? Lo dikambo dia Mɔsɛ, Bible mbutaka ɔnɛ: “Oma lo mbetawɔ, nde akonɛɛ oma l’Edjibito aha la mboka nkɛlɛ ka nkumekanga wɔma, nɛ dia nde akatshikala nge oko onto lɛna Ɔnɛ lahɛnama.” (Hɛb 11:27) Mɔsɛ nde l’Arɔna waki la mbetawɔ ka wolo le Jehowa ndo wakayaɛkɛ le nde.

La ntondo k’awui akɔna walɔmba dia sho monga la dihonga dia sho nkɛmɛmɔla mbetawɔ kaso la ntondo k’onto ɔmɔtshi lele la lowandji?

Osato wa tenyi tenyi: Awui walɔmba dia sho monga la dihonga. 1. Yana ya hiami emadi ki lo kalasa etena kele akina wekɔ lo ntɛmɔla dalapo. 2. Ɔnangɛso ɔmɔtshi emadi la ntondo k’ewandji wa lɛɛta. 3. Ɔnangɛso ɔmɔtshi l’ɔlɔngɔlɔngɔ asha ompokami ɔmɔtshi traktɛ l’olimu w’esambishelo etena kawawenda apulushi wele suke la wɔ.