Ambutshi le, nyetsha ananyu kɛnɛ kewɔ l’ohomba dia mbeya

Tekɔ lo nsɛna l’andja wa hemba totshutshuya dia mfɔnya ɔnɛ ɔlɔlɔ ekɔ kɔlɔ ndo kɔlɔ ɔnɛ ekɔ ɔlɔlɔ. (Isa 5:20) Lonyangu ko, anto amɔtshi salaka awui wahetsha Jehowa, mbidja ndo awui wa kɔlɔ wasala anto wele la tenyi dia demba diaamɛ. Angɛnyi wa la kalasa kana anto akina mbeyaka ntshutshuya ɛlɔngɔlɔngɔ ndo esekaseka aso wa nɛmɔ efula dia ndjela lɔkɛwɔ lawɔ. Ngande wakokayɛ talɔngɔsɔdi anayɛ la ntondo dia vɔ ndjɔlɔshana l’awui asɔ etena kayowohomana la wɔ?

Etsha anayɛ dia vɔ mbeya atɔndɔ wa Jehowa. (Lɛw 18:3) Tawawetshaka yema yema kɛnɛ kata Bible lo dikambo di’awui wa mindo wa dieyanelo, kɛnɛ kahombayɛ mbowaetsha pombaka mbɔtɔnɛ l’ɛnɔnyi awɔ ndo kɛnɛ kakokawɔ nshihodia. (Eoh 6:7) Ambutshi le, nyoyambole ɔnɛ: ‘Onde dimi laketsha ana ami yoho ya dimɛna ya mɛnyana ngandji, ohomba wa ndɔta ahɔndɔ lo yoho yasungana, ndo ohomba wa anto akina nɛmiya tenyi diawɔ dia demba dia nsɔnyi?’ Naka vɔ teyi akambo asɔ la ntondo kete, dui sɔ koka mbakimanyiya dia mbewɔ ekakatanu ekina efula. (Tok 27:12; Ond 7:12) Naka wɛ mbetsha anayɛ awui asɔ, kete wɛ ekɔ lo mɛnya dia wɛ mbɔsaka etenyi k’okitɔ k’oma le Jehowa la nɛmɔ di’efula.​—Os 127:3.

NYENDE VIDƐO YELE L’ƆTƐ A DUI ƆNƐ: TOKE LUUDU LAYOTSHIKALA EDJA​—LO NKOKƐ ANASO OMA LO ‘KƐNƐ KELE KƆLƆ,’ NDO OMA LAASƆ, NYOKADIMOLE LO AMBOLA WAYELA ANƐ:

• 

  Lande na kengenga ambutshi amɔtshi dia mbetsha anawɔ awui wendana la tenyi dia demba dia dieyanelo?

• 

  Lande na kahomba ambutshi mbodia anawɔ “l’ohokwelo ndo l’alako wa Jehowa”?​—Ɛf 6:4

• 

  Kakɔna kambotondja okongamelo wa Jehowa dia nkimanyiya ambutshi dia mbetsha anawɔ awui wendana la tenyi dia demba dia dieyanelo?​—w19.05 12, kiombo

• Lande na kahombayɛ sawolaka l’anayɛ mbala la mbala la ntondo k’ekakatanu wa wolo ndjakomɛ?