Jehowa akatokongɛ dia nsambisha onto tshɛ

Paka oko wakakongɛ Jehowa ase Isariyɛlɛ, mbele ndo nde kongɛka ekambi ande ɛlɔ kɛnɛ dia vɔ nsala lolango lande. L’andja w’otondo, waa Bɛtɛlɛ, etshimbedi, tshumanelo ndo eluyi w’esambishelo, vɔ tshɛ kambaka kaamɛ dia lokumu l’ɔlɔlɔ sambishama. Sho sambishaka onto tshɛ, mbidja ndo wanɛ watɛkɛta ɔtɛkɛta okina.​—Ɛny 14:6, 7.

Onde wɛ hakombola mbeka ɔtɛkɛta okina l’oyango wa nkimanyiya onto ɔmɔtshi dia mbeya akambo wa mɛtɛ? Oyadi kaanga wɛ bu l’etena ka mbeka ɔtɛkɛta okina, wɛ koka nkamba la application wa JW Language dia mbeka woho wa nsala mbɔtwɛlɔ ka lo tshena pe. Oma laasɔ, l’ɔkɔngɔ wa wɛ nkamba la tɔ l’esambishelo wɛ mbeyaka ndjaoka oko wakayaoke Akristo wa lo ntambe ka ntondo etena kakaambe anto wakaye oma lo wedja ekina dia mboka ‘watɛkɛta akambo wa diambo wa Nzambi lo ɛtɛkɛta awɔ wa lootɔ.’​—Ets 2:7-11.

NYENDE VIDƐO YELE L’ƆTƐ A DUI ƆNƐ: KOMA ƆNGƐNYI WA JEHOWA​—SAMBISHA L’ƆTƐKƐTA OKINA NDO OMA LAASƆ, NYOKADIMOLE AMBOLA WAYELA ANƐ:

• 

  Etena kakɔna ondo kakokayɛ nkamba la application wa JW Language?

• 

  Naa awui amɔtshi watanema lɔkɔ?

• 

  Ɛtɛkɛta akɔna watɛkɛta anto wa l’ɛtshi kayɛ ka nkɛtɛ?

• Kakɔna kakokayɛ nsala naka onto ɔmɔtshi latɛkɛta ɔtɛkɛta okina ambɛnya nsaki lo losango la Diolelo?​—od 100-101 od. 39-41