YASHA L’OLIMU W’ESAMBISHELO | FUDIA ƆNGƐNƆNGƐNƆ AYƐ L’ESAMBISHELO
Kamba la bɛnyɛlɔ dia nembetshiya awui woleki ohomba
Etena kasalaso wendelo w’oyoyo kana kalɔmbɔlaso wekelo wa Bible, sho pombaka nkimanyiya ampokami aso dia vɔ nshihodia awui woleki ohomba. Naka sho nkamba la bɛnyɛlɔ sɔ, kete sho koka minanda etema awɔ ndo mbetsha wetshelo wɔɔdu dia vɔ ndjohɔka.
Etena kayalɔngɔsɔlayɛ dia tosala wendelo w’oyoyo kana wekelo wa Bible, sɔna awui woleki ohomba wayoyolanga nembetshiya, koko aha ndjasha l’awui wele bu ohomba. Oma laasɔ, sɔna bɛnyɛlɔ dia wɔɔdu diendana l’awui wa lo lɔsɛnɔ laso la lushi la lushi. (Mat 5:14-16; Mak 2:21; Luk 14:7-11) Sala tshɛ dia mbeya woho w’onto wele ompokami ayɛ ndo awui walekande ndjasha lɔkɔ. (Luk 5:2-11; Jni 4:7-15) Etena kayoyɛna ɔngɛnɔngɛnɔ wele l’onto lasawola la yɛ l’ɔtɛ wamondoshihodia dui dimɔtshi di’ohomba, wɛ lawɔ ayonga l’ɔngɛnɔngɛnɔ.
NYENDE VIDƐO YELE L’ƆTƐ A DUI ƆNƐ: TONGE L’ƆNGƐNƆNGƐNƆ WAYA LO MBETƐ ANTO AMBEKI—TOLOWANYA AKOKA ASO—LO NKAMBA LA BƐNYƐLƆ DIA NEMBETSHIYA AWUI WOLEKI OHOMBA NDO OMA LAASƆ, NYOSHA EKADIMWELO LO AMBOLA WAYELA ANƐ:
Lande na kele ekɔ ohomba nkimanyiya ambeki wa Bible dia vɔ nshihodia avɛsa wa lo Bible?
Ngande wakalembetshiya Neeta mɛtɛ k’ɛtɛkɛta watanema lo Rɔmɔ 5:12?
Bɛnyɛlɔ di’amɛna minandaka otema
Shɛngiya yakɔna yakoka monga la bɛnyɛlɔ di’amɛna le ampokami aso?
L’olimu aso w’esambishelo, lande na kahombaso kambaka la tovidɛo ndo la dihomɔ dikina dia wetshelo dia ntondja okongamelo wa Jehowa?