YASHA L’OLIMU W’ESAMBISHELO | FUDIA ƆNGƐNƆNGƐNƆ AYƐ L’OLIMU L’ESAMBISHELO
Etawɔ ekimanyielo k’oma le asekayɛ ambetawudi
Dia tokimanyiya, Jehowa akatosha ‘tshunda di’otondo di’anangɛso l’akadiyɛso wa l’andja w’otondo.’ (1Pe 5:9) Vɔ koka tokimanyiya dia ndɔshana l’ekakatanu wahomana laso l’esambishelo ndo mbatondoya. Ɛnyɛlɔ, ɔpɔstɔlɔ Pɔɔlɔ akakondja wahɔ oma le Akila nde la Piriskila, Silasɛ, Timɔte ndo anango akina.—Ets 18:1-5.
Ngande wakoka asekayɛ ambetawudi kokimanyiya l’olimu w’esambishelo? Vɔ mbeyaka kosha alako shikaa lo woho wahombayɛ mbekola wekamu, woho wa nsala wendelo w’oyoyo kana woho wa nɔmba dia mbeka l’onto kana wa nɔmbɔla wekelo wa Bible. Kanyiya onto ɔmɔtshi la l’etshumanelo kayɛ lakoka kosha ekimanyielo keyɛ la tɔ ohomba ndo lɔmbande tɔ. Aha la taamu, nyu ahende nyayokondja wahɔ ndo onto l’onto la l’atei anyu ayonga l’ɔngɛnɔngɛnɔ.—Flp 1:25.
NYENDE VIDƐO YELE L’ƆTƐ A DUI ƆNƐ: TONGE L’ƆNGƐNƆNGƐNƆ WAYA LO MBETƐ ANTO AMBEKI—TETAWƆ EKIMANYIELO KA JEHOWA—ANANGƐSO, NDO OMA LAASƆ, NYOKADIMOLE LO AMBOLA WAYELA ANƐ:
Ngande wakahembi Neeta nkeketsha Ehadi dia nde mbɔtɔ lo losanganya lɔmɔtshi la l’etshumanelo?
Lande na kahombaso ntshɔɔka l’apandjudi akina dia teka l’ombeki aso Bible?
Nɔmbamaka ekimanyielo k’etshumanelo k’otondo dia mbetɛ onto ombeki
Dui diakɔna diakɔtɔnganɛki Ehadi nde la Abigay?
Diewo diakɔna diendana l’olimu w’esambishelo diakoka asekayɛ ambetawudi keetsha?