YASHA L’OLIMU W’ESAMBISHELO | FUDIA ƆNGƐNƆNGƐNƆ AYƐ L’OLIMU L’ESAMBISHELO
Tetshake ambeki aso wa Bible woho wa vɔ ndjaleshaka vɔamɛ lo nyuma
Dia mbakimanyiya dia vɔ mbeya Jehowa ndo nkoma Akristo wambotshunda lo nyuma, ambeki wa Bible pombaka mbeka awui efula lo dihole dia sho mbowaetshaka tsho akambo wa mɛtɛ. (Mat 5:3; Hɛb 5:12–6:2) Vɔ pombaka nto mbeka woho wa vɔ ndjaleshaka vɔamɛ lo nyuma.
Oma l’etatelo ka wekelo anyu, ɛnya ambeki ayɛ wa Bible woho wa vɔ nɔngɔsɔlaka wekelo awɔ wa Bible ndo keketshakawɔ dia nsala dui sɔ. (mwb18.03 6) Keketshakawɔ dia vɔ nɔmbaka la ntondo ka vɔ mbeka. Kimanyiyakawɔ dia vɔ monga l’akoka wa nkoma lo dihomɔ dia l’Ɛtɛrnɛtɛ ndo ɛnyawɔ woho wa vɔ kambaka la diɔ lo wekelo awɔ. Lembetshiyawɔ woho wa vɔ ntana awui w’eyoyo watomba lo jw.org ndo lo JW Televiziɔ®. Tawaetshaka yema yema woho wa vɔ mbadiaka Bible lushi la lushi, woho wa nɔngɔsɔlaka nsanganya ya l’etshumanelo ndo woho wa nsala eyangelo dia ntana ekadimwelo lo ambola wele lawɔ. Kimanyiyawɔ woho wa vɔ kanaka yimba la kɛnɛ kekawɔ.
NYENDE VIDƐO YELE L’ƆTƐ A DUI ƆNƐ: TOKIMANYIYA AMBEKI ASO WA BIBLE DIA VƆ NDJALESHAKA VƆAMƐ LO NYUMA NDO OMA LAASƆ, NYOKADIMOLE LO AMBOLA WAYELA ANƐ:
Ngande wakasadi Neeta dia nkimanyiya Ehadi dia nde mɛna dia wekelo nɔmbaka awui efula lo dihole dia mbeya tsho ekadimwelo?
Kakɔna kakakimanyiyisha Ehadi dia nde ndjashikikɛ dia Jehowa ekɔ la shadiya lo woho watonande awui wa mindo wa dieyanelo?
Etsha ambeki ayɛ woho wa vɔ mbeya awui woleki ohomba ndo woho wa vɔ nkamba la wɔ
Kakɔna kakashihodisha Ehadi lo kɛnɛ kendana la okanelo wa yimba?