Tokimanyiya ambeki aso wa Bible dia vɔ mbewɔ lɔngɛnyi la kɔlɔ

Dia mbɔtɔ la Jehowa ɔngɛnyi, ambeki wa Bible pombaka nsɔna angɛnyi w’amɛna. (Os 15:1, 4) Angɛnyi w’amɛna wayowatshutshuya dia nsala kɛnɛ kele ɔlɔlɔ.​—Tok 13:20; lff wekelo 48.

Etena kakimanyiyayɛ ambeki wa Bible dia mbewɔ lɔngɛnyi la kɔlɔ, onga la kɛtshi. Mbeyaka monga ko vɔ wekɔ l’okakatanu dia ntshika mbekesanɛ l’angɛnyi awɔ wa l’andja ɔnɛ. Oma laasɔ, yasha l’otema ɔtɔi le wɔ aha paka etena kekayɛ la wɔ Bible. Dui sɔ mbeyaka mendana la mbatomɛka mesajɛ, mbawelɛka lo telefɔnɛ kana mbawembolaka yema. Etena katahame ambeki ayɛ wa Bible, wɛ mbeyaka mbawelɛka dia mbetshaka wenya kaamɛ l’ekambi wa Nzambi. Oma laasɔ, vɔ wayɛna hwe dia wambokondja kɛnɛ koleki kɛnɛ kakawashisha. (Mak 10:29, 30) Wɛ lawɔ ayonga l’ɔngɛnɔngɛnɔ etena katayɛnyi woho watahame nkumbo ka Jehowa.

NYENDE VIDƐO YELE L’ƆTƐ A DUI ƆNƐ: KIMANYIYA AMBEKI AYƐ WA BIBLE DIA VƆ MBEWƆ LƆNGƐNYI LA KƆLƆ NDO OMA LAASƆ, NYOSHA EKADIMWELO LO AMBOLA WAYELA ANƐ:

• Lɔngɛnyi la kɔlɔ kɛdikɛdi na?​—1Kɔ 15:33

• Ngande wakakanyiyaki Ehadi woho wahomba monga losanganya l’Akristo?

• Ngande wakakimanyiyisha Neeta Ehadi dia ntshika lɔngɛnyi la kɔlɔ ko monga l’angɛnyi w’amɛna?