Esambishelo ka laande ka ntatɛ mbeka l’anto Bible lo Ngɔndɔ ka divwa

Lo Ngɔndɔ ka divwa, tayodja welo w’efula dia nɔmba ompokami tshɛ dia mbeka Bible, lo nkamba la biukubuku Ngɛnangɛnaka la lɔsɛnɔ pondjo pondo! Apandjudi mbeyaka nsɔna dia nkamba oko ombatshi mboka wa tshanda walɔmbama wenya 30. Ngande wayotoyasha lo esambishelo ka laande kɛsɔ?

• Lo wendelo wa ntondo: Nkamba la lohoso l’ekomelo la biukubuku dia nomialomia nsaki y’anto ndo hemba mbaɛnya woho wekaso l’anto Bible. Tohɛke wanɛ wakɛnya nsaki mbala ka ntondo mbidja ndo wanɛ wokoyotshɔka dia tembola. Kaanga naka wakatone mbeka Bible lo nshi yakete, vɔ mbeyaka ndjɛnya nsaki lo yoho y’oyoyo y’oteka l’anto ndo biukubuku. Hatokoke tshikɛ wanɛ waki kɔmɛnya nsaki ntondo tobukubuku kana ekanda. Kɔmite k’olimu ka l’etshumanelo mbeyaka nkongɛ nsanganya nkina ya laadiko y’otsha l’esambishelo lo ngɔndɔ kɛsɔ.

• Waaso akina: Naka lo etshumanelo kanyu nyekɔ lo nkamba la prezatwarɛ, kete nyohanɛ biukubuku Ngɛnangɛnaka la lɔsɛnɔ pondjo pondjo! lɔkɔ. Ewoya wanɛ wɛnya nsaki dia etena kalongolawɔ biukubuku vɔ kokaka nto mbeka Bible ofele. Ɛnya lo tshena pe woho wekaso l’anto etena kenyu lo nsawola kana woho wa ndjosala dui sɔ l’ɔkɔngɔ. Omendji w’olimu mbeyaka nkongɛ di’apandjudi wele l’akoka ntshɔ l’ɛtshi ka nkɛtɛ kasalema okanda ndo taalɔmba dia mbeka la wɔ Bible. Wɛ mbeyaka nto nɔmba osekayɛ la l’olimu kana anto wahomana la yɛ l’esambishelo ka lo tshakitudi dia mbeka la wɔ Bible.

Yeso akatodjangɛ dia “mbetɛ anto ambeki,” ndo ‘mbaetsha.’ (Mat 28:19, 20) Esambishelo ka laande kɛnɛ katokimanyiya dia nkotsha oyango ɔnɛ, wa nkamba la Ngɛnangɛnaka la lɔsɛnɔ pondjo pondjo!