LƆSƐNƆ L’OKRISTO
Vɔ wekɔ lo tokambɛ olimu wa wolo
Emendji w’etshimbedi la wadiɛwɔ mɛnyaka ngandji ka ndjahondja le anto wakambɛwɔ. Oko wediɔ le so sho tshɛ, vɔ wekɔ l’ehomba awɔ ndo lo ntena dimɔtshi vɔ mongaka l’ɔlɛmbɛlɔ, ɔkɔmwɛlɔ ndo l’ekiyanu. (Jak 5:17) Kaanga mbewɔ l’awui asɔ, lomingu tshɛ vɔ mbidjaka yimba dia nkeketsha anangɛso l’akadiyɛso wa l’etshumanelo kembolawɔ. Emendji w’etshimbedi mɛtɛ “pombaka mbɔsama la nɛmɔ diolodami l’ahende.”—1Ti 5:17.
Etena kakakongɛ Pɔɔlɔ wembwelo ande wa la Rɔmɔ dia ‘mbisha woshasha ɔmɔtshi wa lo nyuma’ le etshumanelo ka lɛkɔ, nde akakongaka la solo dia lomɔlomɔ dia vɔ keketshana. (Rɔm 1:11, 12) Onde wɛ ambokanaka yimba lo woho wakokayɛ nkeketsha omendji anyu w’otshimbedi la wadɛnde naka nde ambotshukaka?
NYENDE VIDƐO YELE L’ƆTƐ A DUI ƆNƐ: LƆSƐNƆ L’OMENDJI W’OTSHIMBEDI WELE BU L’OSOMBA A WOKE NDO OMA LAASƆ, NYOKADIMOLE LO AMBOLA WAYELA ANƐ:
Lo toho takɔna tɛnya emendji w’etshimbedi la wadiɛwɔ ngandji ka ndjahondja l’etshumanelo?
Wahɔ akɔna wakayakondja oma lo weolo awɔ?
Ngande wakokaso mbakeketsha?