Alako wendana la woho wa nsala eyangelo

Dihomɔ dia wetshelo lo dikambo dia ana

Ambutshi wekɔ l’ɔkɛndɛ wa woke efula wa mbetsha anawɔ awui wendana la Jehowa. (Ɛf. 6:4) Dia nkimanyiya ambutshi, okongamelo wa Jehowa ambotondja asawo, tovidɛo ndo esambo efula. Ngande wakokayɛ nkamba la dihomɔ sɔ dia mbetsha anayɛ?

• Yanga kɛnɛ kambotombaka. JW.ORG kekɔ l’asawo tshɛ wambotombaka lo dikambo di’ɛlɔngɔlɔngɔ, mbidja ndo tovidɛo ndo fishɛ ya hwe yakokawɔ mfunda lɔkɔ kana nsanga.a Dia ntana dihomɔ sɔ, ɔtɔ lam’awofundjiwɔ ɔnɛ “Ana” kana “Ɛlɔngɔlɔngɔ” lo dihole dia salawɔ eyangelo.

• Sɔna kɛnɛ kayoleka monga dimɛna le anayɛ. Kɛnɛ kambotombaka l’etenyi kata ɔnɛ: “Ana” koka kokimanyiya dia wɛ nsɔna awui wayonga ohomba le ɔnayɛ. Dia ntana awui asɔ, sala eyangelo l’etenyi kata ɔnɛ: “Activités pour le culte familial.”

• Tshungola etena ka wɛ kɛtshanya kaamɛ l’anayɛ awui akɔ. Ewɔ dia kambaka la tovidɛo taso kana ekanda aso tsho dia mbishaka anayɛ dia vɔ kɛnyaka ndo diaha vɔ kofukutanya. Koko, nkɛtshanya l’ɔnanyɛ ndo kimanyiyande dia nde nkeketsha l’ɔngɛnyi lele lam’asande la Jehowa.