Nyonɛ lɔtɔngɔ la Diolelo

1. Nyoye ny’ekambi wa Jehowa,

Nyu wanɛ wayaɛkɛ le nde.

Nyoye l’olimu wa Nkumɛso,

Ndo nyoyetshame ’ma le nde.

Nyonɛ ntɔngɔ y’akambo wa mɛtɛ

Aha la nyu mboka wɔma

Lo etema waki anto w’ɛlɔlɔ

Dia Nzambi tombwama heyama.

2. Ntɔngɔ mɔ yonɛnyu yayɔkɔ

L’etema wel’oko ave.

Vɔ ketawɔ lo tshanda mɔtshi,

Ntɔngɔ shɔ hokimɛ l’ave.

Etena kasenya atɛndɛ dui,

Vɔ mongaka l’ɔkɔmiya.

Koko ntɔngɔ mɔ koka tomb’o nkɛtɛ

Yele ɛtɛtɔ ndo amɛna.

3. Dia kondj’etombelo w’ɛlɔlɔ,

Nyu la dia ndjaketembola.

Naka nyu nang’ampokam’anyu,

Vɔ mbeyaka nyolongola.

Nyâkimanyia dia vɔ minya wɔma

Dia lɔtɔngɔ mbeya mbola.

Lo ntsha ngasɔ mbayonyonga l’akoka

Wa mumba elowa efula.