ETENYI 6

Oma lo Eotwelo ka Yeso Polo ndo lo Nyɔi Kande

Ondjelo Ngabiriyɛlɛ akatomama le osekaseka wakawelɛka Mariya. Nde akawewoya dia nde ayôta ɔna layolɛ oko nkumekanga pondjo pondjo. Yeso, ɔna, akotɔ lo lokoto, ndo alami w’ɛkɔkɔ wakatowendaka lɛkɔ. L’ɔkɔngɔ diko, yɔ̂tɔ miɔtshi yakalɔmbɔla apami amɔtshi oma l’Ehotwelo ka onya oya le ɔna dikɛnda. Tayeya onto akɔna akatondja yɔ̂tɔ yakawɛnyi, ndo woho akɔna wakashimbamela Yeso oma lo weolo wakadjama dia mbodiaka.

Malasɔ, tayɛna Yeso, lam’akinde l’ɛnɔnyi 12, atɛkɛta l’embetsha lo tɛmpɛlɔ. L’ɔkɔngɔ w’ɛnɔnyi 18, Yeso akabatizama ndo akatatɛ sambisha la ndakanya Diolelo, olimu wakôtome Nzambi la kɛtɛ dia nde ndjosala. Yeso akasɔnɛ apami 12 dia vɔ mbokimanyiya l’olimu ɔsɔ, ndo nde akawaetɛ apɔstɔlɔ ande.

Yeso akasale ndo ahindo efula. Nde akalesha anto kama la tosese tongana toto la yema ya mapa tshitshɛ. Nde akakɔnɔla ase hemɔ ndo akolola wanɛ wakavu. L’ɔkɔngɔ diko, tayeya akambo efula wakatombɛ Yeso lo nshi y’ekomelo ka lɔsɛnɔ lande, ndo woho wakandadiakema. Yeso akasambisha yɛdikɔ y’ɛnɔnyi esato l’etenyi, ɔnkɔnɛ akambo w’ETENYI ka SAMALO kɛnɛ wakasalema lo yɛdikɔ y’ɛnɔnyi ndekana 34.