Bɛnyɛlɔ dia mbɔtwɛlɔ (Numɛlɔ kele bu l’Ɔtɛtɛla ko nyu menda lo Falase)

Woho wa ntatɛ mbeka l’anto Bible Lushi la samalo la ntondo la Ngɔndɔ ka dikumi

“Lekɔ l’eshikikelo dia wɛ mbetawɔka ɔnɛ lɔsɛnɔ lekɔ mondo efula. Onde wɛ fɔnyaka dia lushi lɔmɔtshi tayonga l’akoka wa minya hemɔ ndo taloya lɔsɛnɔ laso? [Tshikande akadimole.] Tende kɛnɛ katama lanɛ lo dikambo sɔ.” Sha ompokami ayɛ Tshoto y’Etangelo ya Ngɔndɔ ka dikumi 1 ndo nyɔsɛdingole awui wofundami l’ɛse k’ɔtɛ a dui wa ntondo wele lo lɛkɛ 16 ndo nyadia kânga divɛsa ɔtɔi dioshilami laawɔ. Shande periodikɛ yakɔ hiende ndo nyokane lushi layonyoyɔkɛtshanya dimbola diayela.

Tshoto y’Etangelo Ngɔndɔ ka dikumi 1

“Tamboya ndjokenda nɛ dia anto efula wekɔ lo ndjakiyanya l’ɔtɛ wambofulanɛ akambo wa nkɔta mishiko le amundji w’okanda ndo le mandji y’ana w’anto. Onde wɛ fɔnyaka ɔnɛ dikambo dimɔtshi kokaka salema lo kɛnɛ kendana la dui sɔ? [Tshikande akadimole.] Lembetɛ kɛnɛ kotami lanɛ lo kɛnɛ kendana la woho wayosalɛ Yeso anto wadiɛnɛ l’ɔtɛ wa nkɔta mishiko. [Adia Osambo 72:12-14.] Periodikɛ kɛnɛ mɛnyaka woho wayanga nkomɛ akambo wa nkɔta mishiko kem’edja.”

Réveillez-vous ! Ngɔndɔ ka dikumi

“Ambutshi efula nangaka di’anawɔ nkondja wetshelo wa dimɛna. Onde wɛ fɔnyaka di’ɛlɔngɔlɔngɔ l’esekaseka walongola apɔlɔmɛ nshi nyɛ talɔngɔswamaki lo kɛnɛ kendana l’ekakatanu wa lo lɔsɛnɔ? [Tshikande akadimole.] Lembetɛ kɛnɛ kata Bible lo kɛnɛ kendana l’ohomba wa nkondja ewo la lomba. [Adia Ondaki 7:12.] Periodikɛ kɛnɛ mbishaka alako atanu w’eshika dia nkimanyiya ana dia vɔ ntondoya la kalasa.”