Bɛnyɛlɔ dia mbɔtwɛlɔ (Numɛlɔ kele bu l’Ɔtɛtɛla ko nyu menda lo Falase)
Nkumu ya Diolelo No. 38
“Lekɔ lo takahanya traktɛ kele la losango l’ohomba kakahanyema l’andja w’otondo. Kayɛ tɔ kɛnɛ.”
Diewoyelo: Dia nyu nshidiya nkindjakindja ɛtshi kanyu ka nkɛtɛ, nyokambe la mbɔtwɛlɔ ka mondo. Koko lo tena dimɔtshi, ompokami mbeyaka mɛnya nsaki ndo nkombola dia nyu nsawola efula. L’etena kɛsɔ, wɛ koka mbombola kanyi yande lo kɛnɛ kendana la dimbola diele laadiko, mbadiɛ okadimwelo washa Bible wele lo traktɛ kakɔ ndo nsɛdingola la nde awui amɔtshi wa lo traktɛ kakɔ naka etena kekekɔ. La ntondo ka nyu nkakitɔna, ɛnyande dimbola diele l’ekomelo ka traktɛ kakɔ diata ɔnɛ: “Dimbola dia nkana la diɔ yimba” ndo nyokane lushi layoyokalola dia nyu ndjɔkɛtshanya.
Tshoto y’Etangelo Ngɔndɔ ka dikumi l’ɔtɔi 1
“Oko le yɛ, naa kashi koleki woke kakatama lo dikambo dia Nzambi? [Tshikande akadimole.] Lo ndjela Bible, Nzambi nangaka di’anto mbolanga ndo ndjaɛkɛ le nde. [Adia Isaya 41:13.] Periodikɛ kɛnɛ mɛnyaka kashi shato yambokokanɛ lo dikambo dia Nzambi ndo yakonya anto dia monga l’okakatanu dia ndjasukanya la nde.”
Réveillez-vous ! Ngɔndɔ ka dikumi l’ɔtɔi
“Tekɔ lo tasawola l’anto lo tshena pe nɛ dia anto efula wekɔ lo ndjakiyanya lo woho wɛnama oko ɛlɛmbɛ wendana la lɔkɛwɔ wambotshikitanyema. Onde wɛ fɔnyaka di’anto wambɔkɔkɔla atɔndɔ wendana la lɔkɛwɔ? [Tshikande akadimole.] Bible kakatatshi dia waonga ndo lɔkɛwɔ l’anto layotshikitana. [Adia 2 Timɔte 3:1-5.] Periodikɛ kɛnɛ mɛnyaka lande na kahombaso ndjaɛkɛ l’ɛlɛmbɛ wendana la lɔkɛwɔ wele lo Bible.”