MAKASINE O O ITHUTIWANG

Ditlhogo tseno di tlotla ka dikarolo dingwe tsa Mathaio kgaolo 24 le 25. Di tlhalosa ditsela di le mmalwa tse di tokafaditsweng tse re tlhaloganyang ka tsone nako ya go diragadiwa ga boporofeti jwa ga Jesu jo bo malebana le metlha ya bofelo le tsela e re tlhaloganyang ka yone setshwantsho sa korong le mefero. Gape ditlhogo tseno di tlhalosa kafa mongwe le mongwe wa rona a ka solegelwang molemo ka gone ke ditlhaloso tseno tse di tokafaditsweng.

Jesu o ne a latela mokgwa o le mongwe wa go fepa batho, fa a ne a fepa boidiidi jwa batho ka kgakgamatso le fa a ne a fepa balatedi ba gagwe ka dilo tsa semoya—o ne a fepa ba le bantsi a dirisa ba le mmalwa. Setlhogo sa ntlha se tlotla ka ba le mmalwa ba a neng a ba dirisa go fepa balatedi ba gagwe ba batlodiwa ba mo lekgolong la ntlha la dingwaga. Setlhogo sa bobedi se araba potso eno ya botlhokwa: Ke bomang ba le mmalwa ba Keresete a ba dirisang go re fepa gompieno?