Dipokano Tsa Tirelo Tsa September
Beke E E Simololang ka September 5
Pina 5
10 mets: Dikitsiso tsa phuthego ya lona le Dikitsiso tse di tshwanelang go tswa go Tirelo ya Rona ya Bogosi.
20 mets: “Oketsa Khumo ya Gago ya Tirelo ya Bogosi.” Molebedi wa tirelo le mogolwane yo mongwe ba tlotla ka dintlha tse dikgolo mo setlhogong seno. Ba sekaseka tiro e phuthego e e dirileng mo ngwageng e e fetileng, ba a e akgola le go e naya dikakantsho tsa kafa e ka tokafatsang ka gone. Ba gatelela kafa re ka ipeelang mokgele wa go oketsa seabe sa rona mo bodiheding ka gone.
15 mets: “Go Thusa Batho go Kgatlhegela Buka ya Tshelela Ruri.” Baboledi ba bararo kana ba le bane, le mosha ba tlotla ka setlhogo seno mme morago ga foo ba nna le thulaganyo ya go ikatisa. Ba dira dipontsho tsa dipuisano tse pedi kana tse tharo morago ga foo ba di sekaseka, ba neelana dikakantsho tse di molemo e bile ba akgolana.
Pina 32 le thapelo e e konelang.
Beke E E Simololang ka September 12
Pina 54
7 mets: Dikitsiso tsa phuthego ya lona. Dikgang tsa Puso ya Modimo.
20 mets: Boitshwaro jwa Mokeresete kwa Sekolong. Mogolwane o tlotla le basha ba dingwaga tsa bolesome ba le bararo kana ba le bane. Kwa sekolong, go na le dilo tse dintsi tse di gatelelang basha ba rona gore ba tlogele go tshegetsa melaometheo ya Baebele. Bontsi jwa dilo tseno ke tse di sa amaneng ka tlhamalalo le tse di dirwang mo tlelaseng. Metshameko, go intsha, le dikokoano tsa botlhe di kotsi. Mogolwane o tlotla ka “Ditiro tsa Morago ga Sekolo” le basha ba dingwaga tsa bolesome, a dirisa boroutšhara ya Sekolo, ditsebe 22-5. Basha ba bolela gore ba gatelelwa go nna le seabe mo dilong tseno mme ba anaanela kgakololo e ba e fiwang.
18 mets: “Ga Ba A ka Ba Ikgogona go Neela Bosupi.” Dipotso le dikarabo. Gatelela gore le mororo re sa kgone go dirisa nako e e tshwanang rotlhe mo bodiheding, re tshwanetse go itumela le go leka go dira ka pelo yotlhe.
Pina 60 le thapelo e e konelang.
Beke E E Simololang ka September 19
Pina 36
10 mets: Dikitsiso tsa phuthego ya lona. Bala pego ya diakhaonto le moneelo ope o o lebogelwang.
10 mets: Letlole la Dipotso. Motlotlo wa dipotso le dikarabo.
10 mets: “Bidio ya The Bible—Mankind’s Oldest Modern Book.” E sekasekiwa ka dipotso le dikarabo.
15 mets: “Go Simolola Dithuto tsa Baebele ka Buka ya Tshelela Ruri.” Tlotla le bareetsi. Rulaganya gore go dirwe dipontsho tse pedi go dirisiwa dipuisano tse di akantshitsweng.
Pina 67 le thapelo e e konelang.
Beke E E Simololang ka September 26
Pina 44
10 mets: Dikitsiso tsa phuthego ya lona. Tlhalosa dithulaganyo tsa letsholo la tshimo e e sa abiwang mme o kgothaletse botlhe gore ba e tshegetse ka botlalo mo kgweding ya bofelo. Kopa bareetsi gore ba anele ka bokhutshwane maitemogelo a ba nnileng le one kwa tshimong e e sa abiwang ka go tsamaisa buka ya Tshelela Ruri kana go simolola dithuto ka yone.
20 mets: “Katoloso ya Bethele e Ntse e Tswelela Pele.” Motlotlo wa dipotso le dikarabo mo tsenyeletsong e tshwanetse go tshwarwa ke mogolwane yo o nang le boitemogelo. Bua ka dikarolo dingwe tse di kgatlhisang mo ditshwantshong tse di mo ditsebeng tse di fa gare. Itsise bareetsi gore phuthego ya lona e dira eng go tshegetsa thulaganyo ya katoloso ya Bethele.
15 mets: Go tsamaisiwa ga Tora ya Tebelo le Tsogang! ka October. Dimakasine tsa rona di na le seabe sa botlhokwa mo tirong ya go rera ya lefatshe lotlhe; ke tsela e batho ba le dimilione ba ileng ba utlwa boammaaruri ka lekgetlho la ntlha ka yone. Gatelela botlhokwa jwa go nna re di dirisa le go di abela batho mo tirong ya ntlo le ntlo lefa go tsamaisiwa dibuka tse dingwe. Umaka melemo ya Letsatsi la Dimakasine le le nnang teng beke nngwe le nngwe. Bolela ka moo tiro ya mmila le go supa mo mabenkeleng di thusang ka gone gore go nne le ditshono tse dintsi tsa go tsamaisa dimakasine. Gakolola bakaulengwe gore ba boloke pego ya dimakasine tse ba di tsamaisitseng, e le gore ba tle ba simolole tselana ya dimakasine. Buelela dipeeletso mo lekgetlhong lengwe le lengwe. Gakolola bakaulengwe ka ditlhwatlhwa tse pedi, e nngwe ya dimakasine tse di tlang ka poso le e nngwe ya thulaganyo ya Tlelapa. Gatelela botlhokwa jwa go baakanyetsa sentle pele ga o tswa. Dira gore baboledi ba bararo ba dire dipontsho tse dikhutshwane tsa go tsamaisa dimakasine, mongwe wa bone e nne mosha.
Pina 76 le thapelo e e konelang.