Ngaahi Fakataha Ngāue ki Sānuali
Uike Kamata Sānuali 4
Hiva 149
10 min: Ngaahi fanongonongo fakalotofonua mo e Ngaahi Fanongonongo feʻungamālie mei he Ko ʻEtau Ngāue Fakafaifekau ʻo e Puleʻanga.
25 min: “Ko e ‘Loto’ ʻo Fakatatau ki he Folofola ʻa e ʻOtuá ko e Tohitapú.” Ko e malanga ʻo fakamatalaʻi ʻa e faikehekehe ʻi he lotó mo e loto fakaefakatātā. Ngāueʻaki ʻa e fakamatala mei he Ko e Taua Leʻo, Sepitema 1, 1984, peesi 3-7, 9, pea mo e tohi Insight Voliume 1, peesi 1057-1058, ʻo makatuʻunga mei ai ʻa e malangá. Tokoniʻi ʻa e kau fanongó ke mahino kiate kinautolu ʻoku ʻuhinga ʻa e loto fakaefakatātā ki he angaʻitangatá fakalūkufua, ka ko e lotó ʻoku ʻuhinga pē ki ha ʻōkani ʻi loto ʻi hoto sinó. Fakamamafaʻi ʻa e fiemaʻu ke ngāuetotonuʻaki ʻe he faʻahinga kotoa ʻa e foʻi lea totonú.
10 min: Ngaahi fiemaʻu fakalotofonua, pe ko e malanga kuo fakakaveinga ko e “Tauhimaʻu ʻa e Fakakaukau Totonu Fekauʻaki mo e Fakafiefiá,” ʻo makatuʻunga mei he Awake! ʻo Nōvema 8, 1992, peesi 3-10.
Hiva 120 mo e lotu tuku.
Uike Kamata Sānuali 11
Hiva 162
10 min: Ngaahi fanongonongo fakalotofonua. Fakahaaʻi ʻa e ngaahi fokotuʻutuʻu ki he ngāue fakamalanga ʻi he fakaʻosinga ʻo e uike ní.
20 min: “Malangaʻi ʻa e Founga ʻa e ʻOtuá ki he Melinó mo e Maluʻangá.” Fehuʻi mo e tali. Fakalototoʻaʻi ʻa e kau malangá ke nau ngāueʻaki ʻa e ngaahi tulekí ʻi he ngāue fakamalangá. ʻI he hili ʻa e fetalanoaʻaki ʻi he palakalafi 3, ʻai ha fakahāhā ʻosi teuteuʻi lelei ʻe ha tokotaha-malanga ki he founga ʻo hono kamata nai ha ako Tohitapu ʻi he ʻuluaki ʻaʻahí pē pe ʻi he toe foki, ʻo ngāueʻaki ʻa e tuleki ʻE Kei Tuʻu ʻa e Māmani ko Ení? Tokotaha-malanga: “Mālō ʻetau maʻu e pongipongí ni. ʻOku mau talanoa ki he kakaí he ʻahó ni ʻo fekauʻaki mo e tuʻunga ʻo e moʻuí. ʻOkú ke fiemālie ʻi he meʻa ʻokú ke fakatokangaʻi ʻoku hoko ʻi he moʻui ʻa e kakaí he ʻahó ni?” Tokotaha-ʻapi: “Ko hono moʻoni. ʻIkai.” Tokotaha-malanga: “ʻOkú ke fakakaukau ʻe fakaʻau ke lelei ange ʻa e tuʻungá ni?” Tokotaha-ʻapi: “ʻOku ʻikai te u ʻilo.” Tuʻuaki atu ʻe he tokotaha-malangá ʻa e tulekí mo ne pehē: “ʻOku fakakaukau ʻa e niʻihi ko e meʻa ʻoku lolotonga hokó ko hono fakahoko ia ʻo e kikite faka-Tohitapu pea ʻoku hā mei ai ʻoku ofí ni ʻa e ngataʻanga ʻo e māmaní. Ko e hā haʻo fakakaukau ki ai?” Tokotaha-ʻapi: “ʻOku ʻikai te u ʻilo. Mahalo pē ʻoku moʻoni ia.” ʻE lave leva ʻa e tokotaha-malangá ki he tulekí peá ne fakamatalaʻi ko e ngataʻanga ʻo e māmaní ʻoku ʻikai ʻuhinga ia ko e ngataʻanga ʻo e feituʻu moʻoni ko hēvani mo māmaní. Fokotuʻutuʻu ʻe he tokotaha-malangá ha toe ʻaʻahi ke lave ki he fakamoʻoni faka-Tohitapu ko e ngataʻanga ʻo e tuʻu ko ʻení ʻoku ofí ni.
15 min: Ko e Fakaʻehiʻehi mei he Ngaahi Palopalema ʻo e Huhu Totó—Taimi ke Fakafoʻou ʻEtau Kaati Fakahinohino Fakafaitoʻo. Ko e taha ʻo e kau mātuʻá te ne fai ʻa e konga ko ʻení ʻe ʻiate ia ʻa e ngaahi kaati foʻoú ke tufaki atu ki he kau malanga ʻosi papitaisó pea mo lave fakaʻauliliki ki he tohi naʻe fai mai ʻi ʻOkatopa 15, 1991 ʻa ia ʻoku fakamatalaʻi ai ʻa hono ngāueʻaki ʻo e ngaahi kaatí ni. ʻI hono fai ʻa e teuteú, toe vakai fakaʻauliliki ki he tohi ʻa e Sōsaietí naʻe fai mai ʻi Sānuali 1, 1990. Ko e faʻahinga ko ia te nau fakamoʻoni hingoa ko e kau fakamoʻoní ʻoku totonu ke nau sio tonu ki he fakamoʻoni hingoa ʻa e tokotaha ʻoku ʻaʻana ʻa e kaatí. Fakalototoʻaʻi kotoa ke nau fakafonu kakato ʻa e ngaahi kaati foʻoú ki muʻa pea nau toki mavahe mei he Kingdom Hall. ʻOku ʻikai ʻaupito totonu ki he kau malanga ʻosi papitaisó ke nau mavahe mei ʻapi taʻe te nau ō mo ʻenau kaati Advance Medical Directive/Release. Ko e fānau teʻeki ai papitaiso ʻa ha mātuʻa Fakamoʻoní ʻoku totonu ke nau ʻalu maʻu pē mo ʻenau Identity Card. Ko hano toe vakaiʻi ki mui mai ʻi ha fakataha fakaefakatahaʻanga ʻe taha naʻe hā ai ko e toko 1 mei he toko 5 kotoa pē ʻo e kau malangá naʻe ʻikai ke ʻiate ia ʻene kaatí, pea ʻikai ha fānau naʻe ʻiate kinautolu ʻenau Identity Card. ʻI hono fakaʻosí, lau pea fakahā ʻa e kaunga ʻo e Palōvepi 22:3.
Hiva 151 mo e lotu tuku.
Uike Kamata Sānuali 18
Hiva 130
10 min: Ngaahi fanongonongo fakalotofonua mo e ʻŪ Ongoongo Fakateokalati. Lau ʻa e fakamatala paʻangá mo ha ngaahi fakamālō mei he Sōsaietí ki ha ngaahi tokoni naʻe fai. Fakaongoongoleleiʻi ʻa e fakatahaʻangá ki heʻenau poupou mateaki fakapaʻanga ki he fakatahaʻanga fakalotofonuá pea pehē ki he ngāue ʻa e Sōsaietí ʻoku fai ʻi māmani lahí.
20 min: “Ngāuefakapotopotoʻaki ʻa e Ngaahi Meʻangāue Mātuʻaki Mahuʻinga.” ʻI he hili hono fai ha kiʻi talateu nounou ʻe he tokotaha-seá, ʻe fai leva ha fakahāhā ʻe ua ʻo makatuʻunga ʻi he fakamatala ʻoku hā ʻi he palakalafi 2-5. ʻI he fakaʻosi ʻo e ʻuluaki fakahāhaá, ʻe tali ʻe he tokotaha-ʻapí ʻa e ongo makasini ʻe ua, ʻo ne ʻeke pe ko e hā hono totongí, peá ne fai ha tokoni ki he ngāue ʻi māmani lahí. ʻE fakapapau ange ʻa e tokotaha-malangá te ne toe foki ke tali ʻa e fehuʻi, Ko e hā ʻoku kei fakangofua ai ʻe he ʻOtuá ʻa e faingataʻaʻiá? ʻI he fakaʻosi ʻo e fakahāhā hono uá, ʻoku kamata ha ako Tohitapu ʻaki ha tuleki feʻungamālie. Fakalototoʻaʻi kotoa ke fakakau ʻa e kakaí ki ha fetalanoaʻaki faka-Tohitapu ʻi he taimi ʻo e ngāue fakamalanga ʻi he fakaʻosinga ʻo e uike ko ʻení.
15 min: ʻUhinga ʻOku Fakaʻehiʻehi Ai ʻa e Kau Kalisitiané mei he Totó. Ko ha malanga ke fai ʻe ha taha ʻo e kau mātuʻá ʻo makatuʻunga ʻi he fakamatala pea mo e ʻuluaki kaveinga tokoni ʻe tolu ʻi he konga ko e “Blood” ʻi he tohi Reasoning, peesi 70-72.
Hiva 84 mo e lotu tuku.
Uike Kamata Sānuali 25
Hiva 48
10 min: Ngaahi fanongonongo fakalotofonua. Fakamatalaʻi ʻa e ngaahi poini tefito mei he kupu ko e “Ko Ha Monū Lelei ʻo e Ngāué.” Fakatatau ki he taimí, fakaʻekeʻeke ha tokotaha-malanga kuó ne maʻu ha tufaʻanga makasini pau. Naʻe anga-fēfē ʻene kamata iá? ʻOku anga-fēfē hono tokoniʻi ai ia ke ne fakatupu ʻa e mahuʻingaʻia, pe ke ne ʻilo lelei ai ki hono lahi ʻo e mahuʻingaʻia ʻa e tokotaha-ʻapí?
15 min: “Te Ke Lava ʻo Ngāue kia Sihova ʻi he Tuʻunga ko ha Taaimuʻa?” Fetalanoaʻaki mo e kau fanongó. Fakaʻekeʻeke ha taha kei talavou ʻa ia ʻokú ne taaimuʻa tuʻumaʻu pe ko ha tokotaha-malanga naʻe taaimuʻa ʻi heʻene kei siʻi. Fakahā ʻa e founga ʻoku malava ke fakalototoʻaʻi ai ʻe he ngaahi mātuʻá mo e niʻihi kehé ʻa e kau talavoú ke nau aʻusia ʻenau kolo ko e ngāue taaimuʻa. Kole loto-māfana ki he faʻahinga kotoa ke nau fakakaukau fakamātoato ki he faingamālie nai ke nau kau ki he ngāue fakamalanga taimi-kakató. Palani he taimí ni ke ngāue taaimuʻa fakataimi ʻi ʻEpeleli.
20 min: “Langaʻi Hake ʻa e Mahuʻingaʻiá ʻAki Hono Fai Ha Ngaahi Toe Foki Ola Lelei.” Malanga nounou pea hoko ai mo ha fakahāhā ʻo e fetalanoaʻaki ʻoku hā ʻi he palakalafi 3. Fakatatau ki he taimí, ʻe lava ke toe fai ha lave ki he ngaahi meʻa tefito fekauʻaki mo e malangá, ʻo hangē ko e lea kamata pe ko e fakafehokotaki ki he konga Tohitapu.
Hiva 27 mo e lotu tuku.