Ngaahi Fanongonongo

◼ Tohi ke tuʻuaki ʻi Sānuali: Ko e kiʻi tohi ʻOku ʻI Ai Ha ʻOtua ʻOku Tokanga Mai? pe ha taha pē ʻi he ngaahi tohi peesi 192 ʻa ia naʻe pulusi ʻi he 1983 pe ki muʻa ai ki he kakai ʻoku lea faka-Pilitānia. Fēpueli: Te Ke Malava ʻo Moʻui Taʻengata he Palataisi ʻi he Māmaní. Māʻasi: Ko e Puleʻanga Te ne ʻOmai ʻA e Palataisi. ʻEpeleli mo Mē: Tukuhau ki he Taua Leʻo. FAKATOKANGA: Ko e ngaahi fakatahaʻanga te nau fiemaʻu ʻa e ngaahi tohi ki he feingatau ʻoku lave ki ai ʻi ʻolungá ʻoku totonu ke nau kole ia ʻi heʻenau Literature Request Form (S(d)-14) fakamāhina hono hoko maí.

◼ ʻE kamata ʻi Fēpueli, pea ʻe ʻikai tōmui ange ʻi Māʻasi 7, ko e malanga fakahāhā foʻou ke fai ʻe he kau ʻovasia fakafeituʻú ʻe pehē ni, “Ko e Anga ʻo e Vakai Mai ʻa Sihova ki he Kau Talavoú.”

◼ Ko e malanga fakahāhā makehe ki he vahaʻa taimi ʻo e Fakamanatu ʻo e 1993 ʻe fai ia ʻi māmani lahi ʻi he Sāpate, Māʻasi 28. Ko e kaveinga ʻo e malangá ʻe pehē ni, “‘Ngaahi Ngāue ʻa e ʻOtuá’​—ʻOku Anga-fēfē ʻa Hoʻo Vakai Ki Aí?” ʻE toki ʻoatu ʻa e ʻautilainé. Ko e ngaahi fakatahaʻanga ko ia ʻe fai ʻenau uike ʻaʻahi mo e ʻovasia fakafeituʻú, fakataha fakafeituʻu, pe ko ha fakataha ʻaho makehe ʻi he fakaʻosinga ʻo e uike ko iá ʻe toki fai ʻa e malanga makehé kiate kinautolu ʻi he uike hono hoko mai aí. ʻE ʻikai ke fai ki muʻa ʻi Māʻasi 28 ʻa e malanga makehé ki ha fakatahaʻanga.

◼ ʻE kamata ʻi Sānuali 1, 1993, ʻe alamaʻu atu ai ʻa e pulusi fakamāhina ʻo e Ko e Taua Leʻo ʻi he lea faka-Lituenia, ʻa ia ko ʻene aʻu hake ia ki he 112 ʻa hono lahi ʻo e ngaahi lea ʻoku pulusi ai ʻa e makasini ko ʻení. ʻE toe kamata foki ʻi Sānuali ʻa hono maʻu ʻo e tatau ʻo e Ko e Taua Leʻo ʻi he lea faka-Telugu ʻo pulusi fakauike ua.