ʻŪ Ongoongo Fakateokalati

ʻAositelēlia: Naʻe aʻusia ha tumutumu foʻou ʻi ʻAokosi ko e kau malanga ʻe toko 57,272, ʻo fakaʻosi ʻa e taʻu fakangāué mo e kau malanga lahi hake ʻi he toko 1,541 mei he tumutumu ki muʻá. Naʻe lipooti mei ai ʻa e tumutumu māʻolunga taha ʻo e ngaahi ako Tohitapu ko e ako ʻe 31,712.

Saipalo: Naʻe maʻu ʻi ʻAokosi ʻa ʻenau tumutumu hono valu ʻo e kau malanga ki he taʻu fakangāué, ʻa ia naʻe lipooti ai ʻa e toko 1,433. Ko ha tupu peseti ʻe 9 ʻeni ʻo laka hake ia mei he ʻavalisi ʻo e taʻu kuo ʻosí.

Lepupilika Tominikani: Naʻe lipooti mai ʻi ʻAokosi ʻa e kau malanga ʻe toko 15,418, ʻa ia naʻa nau aʻusia ai ʻa e tupu peseti ʻe 20 ʻo tokolahi hake ʻaki mei he taʻu fakangāue kuo ʻosí. ʻOku lahi hake ʻi he peseti ʻe 20 ʻo e kau malangá ʻoku nau kau ki he ngāue fakamalanga taimi-kakato.

Kana: Naʻe aʻusia ʻi ʻAokosi ha tupu peseti ʻe 18 ʻo laka hake ʻaki mei he ʻavalisi ʻo e tokolahi ʻo e kau malanga ʻi he taʻu kuo ʻosí, ʻa ia naʻe lipooti ʻa e toko 37,676 ʻa ʻenau ngāue fakamalangá.

Puerto Rico: Naʻe lipooti ai ʻi ʻAokosi ha tumutumu foʻou ko e kau malanga ʻe toko 25,315.

Togo: Naʻe aʻusia ʻi ʻAokosi ha tupu peseti ʻe 28 ʻo e kau malangá ʻo laka hake ia mei he ʻavalisi ʻo e taʻu kuo ʻosí. Naʻe lipooti ʻi he fakaʻosinga ʻo e taʻu fakangāué ʻa e kau malanga ʻe toko 7,100. Naʻe toko 728 ʻa e faʻahinga foʻou naʻe papitaiso he lolotonga ʻo e taʻú.