Ngaahi Fakataha Ngāue ki Sēpitema
Uike Kamata Sēpitema 6
Hiva 32
10 min: Ngaahi fanongonongo fakalotofonua mo e Ngaahi Fanongonongo kuo filifili mei he Ko ʻEtau Ngāue Fakafaifekau ʻo e Puleʻangá.
20 min: Fakaivimālohiʻi Hoʻo Fānaú ki he ʻApi Akó. Malanga mo e ngaahi fakaʻekeʻeke mo e fakahāhā. ʻOku fehangahangai ʻa e kau talavou Kalisitiané he ʻahó ni mo e ngaahi meʻa ʻoku ʻikai pē ke aʻu ki ai ʻa e fakakaukau ʻa e tokolahi ʻo kinautolu ʻi he fakatahaʻangá. Kuo pau ke ʻilo lelei tautautefito ki he ngaahi mātuʻá ʻo kau ki he ngaahi pole ko ʻení koeʻuhi ke nau fakaivimālohiʻi ʻenau fānaú ke fekuki mo e ngaahi ʻahiʻahi ki heʻenau tauhi anga-tonú. Fakaʻekeʻeke ha kau talavou ʻe toko tolu ʻoku kehekehe honau taʻumotuʻá. Ko e hā ʻa e ngaahi mafasia ʻe niʻihi ʻi he ʻapi akó kuo pau ke nau fehangahangai mo ia ʻi he ʻaho taki taha? Ko e hā te ne tokoniʻi kinautolu ke tauhi maʻu honau vahaʻangatae lelei mo Sihová? Fokotuʻutuʻu ha fakahāhā ʻo ha fāmili ʻoku nau fai ʻa e fetalanoaʻaki ʻi he palakalafi 2 mo e 3 ʻi he peesi 11 ʻo e polosiua ko e School. ʻOku fakahā ʻe he fānaú ʻoku manukiʻi kinautolu pea ʻoku fakasītuʻaʻi kinautolu koeʻuhi ʻoku nau pouaki ʻa e ngaahi tuʻunga māʻolunga ʻo e ʻulungāanga maʻá. ʻOku fakalototoʻaʻi ʻe he ʻulu ʻo e fāmilí ʻa e fānaú ʻaki ʻene fakahā ʻa ʻene fiefia ʻi heʻenau faʻifaʻitakiʻangá mo fakamanatu kiate kinautolu ʻoku hōifua ʻa Sihova ʻi honau ʻulungāanga leleí. (Pal. 27:11) Ko e tokoua ʻokú ne fai ʻa e konga ko ʻení te ne fakaʻosiʻaki ʻaki ʻene fakaongoongoleleiʻi ʻa e kau talavou ʻi he fakatahaʻangá ki heʻenau ngaahi ngāue leleí mo ekinakiʻi kinautolu ke nau fetalanoaʻaki mo ʻenau ngaahi mātuʻá koeʻuhi ke fakatupu-ongoʻi mālohi fakalaumālie kinautolu he lolotonga ʻo e taʻu ako ko ení.
15 min: “Tokoniʻi ʻa e Niʻihi Kehé ke Nau ʻIloʻi ha Koloa Mahuʻinga.” Fehuʻi mo e tali. Fakamanatu ki he fakatahaʻangá ʻoku totonu ke ʻoange ha faingamālie ki he kakai ʻoku mahuʻingaʻiá ke nau tokoni fakapaʻanga ki he ngāue ʻi māmani lahí. ʻE leaʻaki pē ʻe ha toko taha malanga ʻo pehē nai: “Neongo ko ʻemau ngaahi tohí ʻoku ʻikai ke ʻi ai hano totongi, ʻoku mau fiefia ke tali ha tokoni siʻisiʻi ki heʻemau ngāue ʻi māmani lahí.” Pe te ke lea pehē ni nai: “Kapau te ke loto ke fai ha tokoni siʻisiʻi ki hono fakamafola ʻa e ngāue ako Tohi Tapu ko ʻení, te ke malava ke fai ia. ʻE fakahoungaʻi ʻa hoʻo tokoní pea ʻe ngāuekakatoʻaki ki hono fakamafola ʻo e ongoongo lelei ʻo e Puleʻangá.” ʻI he fai ha fetalanoaʻaki ʻi he palakalafi 4, fai ha fakahāhā ʻo ha toko taha malanga ʻokú ne tuʻuaki ʻa e tohi Moʻui Taʻengatá ki ha taha ʻo e ongo mātuʻá.
Hiva 48 mo e lotu tuku.
Uike Kamata Sēpitema 13
Hiva 56
10 min: Ngaahi fanongonongo fakalotofonua. Fakakau ki ai ʻa e fakamatala paʻangá mo e fakamālō ki he tokoni fakapaʻanga kuo maʻú. Fakaongoongoleleiʻi ʻa e fakatahaʻangá ʻi he ngaahi tokoni fakapaʻanga ki he ngaahi fie maʻu fakalotofonuá pea pehē ki he ngāue ʻa e Sōsaietí ʻi māmani lahí.
10 min: “Ke Hoko ʻo ʻAonga ki he Niʻihi Kehe ʻa Hono Ngāueʻaki ʻa e Ngaahi Makasiní.” Malanga mo e ongo fakahāhā. Fakaeʻa ʻa e mahuʻinga ke ngāuekakatoʻaki fakatouʻosi ʻa e ngaahi makasini ʻoku lolotonga maʻú mo e ngaahi tatau motuʻá. Fai ha fakahāhā ʻe ua, ko e taha ke fakahā hono tuʻuaki ʻo e makasini ʻoku lolotonga maʻú pea ko hono uá ke fakahā ʻa e founga ke ngāueʻaki ha tatau motuʻá ke feʻunga mo e ngaahi fie maʻu ʻe niʻihi ʻa e toko taha ʻapí.
15 min: “Ko e Hā Te Tau Lavaʻi he Lolotonga ʻa e Taʻu Fakangāue ko ʻEní?” Malanga mo e fetalanoaʻaki mo e kau fanongó. ʻE fai eni ʻe he ʻovasia pulé. Toe vakai ki he ngāue ʻa e fakatahaʻangá ʻi he taʻu fakangāue kuo toki maliu atú pea fakalototoʻaʻi kotoa ke fokotuʻu ha ngaahi palani ke fakalahi ange ʻa e ngāué he lolotonga ʻa e taʻu fakangāue ʻo e 1994.
10 min: “Ako ʻa e Ongo Tohi ko e Moʻui Taʻengata mo e Fāʻūtaha ʻi he Lotu.” ʻI he hili ha vakai ki he kupú ni mo e kau fanongó, ʻe fakahāhā ʻe ha toko taha malanga ʻosi teuteu lelei ʻa e founga ke liliu ai mei he ako naʻe fai ʻi he tohi ko e Greatest Man ki he tohi ko e Moʻui Taʻengatá.
Hiva 107 mo e lotu tuku.
Uike Kamata Sēpitema 20
Hiva 120
10 min: Ngaahi fanongonongo fakalotofonua. Fakaeʻa ha ngaahi kupu ʻi he ngaahi makasini ʻoku lolotonga maʻú ʻa ia ʻe malava ke tuʻuaki nai ʻi he ngāue fakamalangá ʻi he uiké ni.
20 min: “Tokoni ki he Kakai Hangē ha Sipí ke Nau Langa ʻi ha Makatuʻunga Fefeka.” Fetalanoaʻaki mo e kau fanongó. Fakaeʻa ʻa e fie maʻu ke teuteu ki he toe ʻaʻahi taki taha. Fokotuʻutuʻu ha toko taha malanga taau ke ne fakahāhā hono fai ʻa e toe ʻaʻahí ki ha taha naʻe tuku ai ki muʻa ʻa e tohi ko e Moʻui Taʻengatá, ʻo ngāueʻaki ʻa e fakamatala mei he palakalafi 3 pe ko e 5.
15 min: “Ko Hono Kamata ha Ngaahi Ako Tohi Tapu ʻi he Ngaahi ʻApí.” Fehuʻi mo e tali. ʻI he ʻosi ʻa e palakalafi 4, fai ha fakahāhā longomoʻui ʻo ha toe ʻaʻahi ʻa ia ʻe ngāueʻaki pē ʻa e Tohi Tapú, kae fakatuʻunga mei ha ngaahi konga mei he tohi ko e Moʻui Taʻengatá pe ko e tohi Reasoning ʻo hangē ko ia ʻoku fokotuʻu mai ke faí.
Hiva 84 mo e lotu tuku.
Uike Kamata Sēpitema 27
Hiva 135
10 min: Ngaahi fanongonongo fakalotofonuá. ʻŪ Ongoongo Fakateokalati.
20 min: ʻOku ʻI Fē ʻa Kinautolu ʻOku Tau ʻOfa ai Ka Kuo Maté? Fetalanoaʻaki ʻi he fāmilí. ʻI hono ngāueʻaki ʻa e ngaahi fakamatala kuo filifili mei he peesi 98-100 ʻo e tohi Reasoning, ʻoku lea ʻa e ʻulu ʻo e fāmilí ʻo kau ki he mole atu ʻi he maté ha kaumeʻa mamae ʻo e fāmilí. ʻOkú ne tokanga taha ke tokoni ki heʻene fānaú ke nau maʻu ʻa e mahino ʻo fekauʻaki mo e anga ʻo e vakai ʻa e Tohi Tapú. ʻOkú ne ʻeke ha ngaahi fehuʻi ke fakapapauʻi ʻoku nau maʻu ʻa e mahino pē ko e hā ʻa e maté pea ʻoku malava ke nau fakamatala mahino ʻo fakatatau ki honau taʻumotuʻá. ʻOkú ne toe fakahā ʻa e founga te nau malava ai ke ngāueʻaki ʻa e tohi Reasoning ke fakafiemālie ki ha niʻihi kehe.
15 min: Tuʻuaki ʻa e Ngaahi Makasiní he Lolotonga ʻo ʻOkatopá. Fokotuʻutuʻu ha ngaahi fakahāhā ʻe tolu, ko e taha ko hono tuʻuaki ʻa e Taua Leʻo ʻoku lolotonga maʻú, ko e taha ko hono tuʻuaki ʻo e Awake! ʻoku lolotonga maʻú, pea ko e taha ko ha toko taha ʻapi ʻoku femoʻuekina peá ne tali ha tuleki. ʻI he ʻosi ʻa e fakahāhā taki taha, fetalanoaʻaki mo e kau fanongó pe ko e hā naʻe ola lelei ai ʻa e tuʻuakí. ʻI he hā mai ha mahuʻingaʻia feʻunga, ʻe malava ke tuʻuaki ha tukuhau ki he ongo makasiní pe ko e tohi Mankind’s Search for God.
Hiva 143 mo e lotu tuku.