Ngaahi Fakataha Ngāue ki Nōvema
Uike Kamata Nōvema 1
Hiva 14
10 min: Ngaahi fanongonongo fakalotofonua mo e Ngaahi Fanongonongo kuo filifili mei he Ko ʻEtau Ngāue Fakafaifekau ʻo e Puleʻangá. Fakaongoongoleleiʻi ʻa e kau malangá ʻi heʻenau kau ki he ngāue ko hono malangaʻi ʻa e Puleʻangá.
20 min: “ʻOkú Ke Feinga ke Fakalotoʻi ʻAki ʻa e Tohi Tapú?” Fehuʻi mo e tali ke fai ʻe ha tokoua ʻokú ne ola lelei ʻi he ngāue fale-ki-he-falé pea ʻi hono fai ʻa e ngaahi toe ʻaʻahí. ʻI he hili ʻa hono fai ha vakai ki he palakalafi 4, fakahāhā ʻa e founga ʻe lava ke lave ai ʻa e toko taha malangá ki ha konga Tohi Tapu mei heʻene manatú ʻi he femoʻuekina ʻa e toko taha ʻapí. ʻI he hili ʻa hono fai ʻa e fakahāhā, fakamamafaʻi ʻa e ʻaonga ke ngāueʻaki ʻa e fokotuʻu ko ení ʻi heʻetau feinga ke “malangaʻaki ʻa e folofola” ʻi he ngaahi feituʻu ʻoku femoʻuekina maʻu ai pē ʻa e kakai toko lahi ʻi he ngaahi meʻa fakaʻahó. (2 Tīm. 4:2) ʻI he hili ʻa hono fai ha vakai ki he palakalafi 6, kole ki ha toko taha malanga ʻokú ne ola lelei ʻi hono ngāueʻaki ʻa e tohi Reasoning ke ne fakahā ʻa e founga ʻokú ne ngāueʻaki ai ia lolotonga ʻa e ngāue fakaefakamoʻoní.
15 min: “Ko e Moʻoni ʻo Fekauʻaki mo Sīsū Kalaisi.” Ko e fetalanoaʻaki ʻi he vahaʻa ʻo e ʻovasia ngāué mo ha toko taha malanga ʻokú ne loto ke ne hoko ʻo pōtoʻi ange ʻi he ngāue fale-ki-he-falé. ʻI he hili ha lave ki he palakalafi 3, ʻoku kole ʻa e ʻovasia ngāué ki he toko taha malangá ke ne ʻahiʻahiʻi ʻa e founga malanga ʻoku fokotuʻú pea ko e ʻovasia ngāué te ne hoko ko e toko taha ʻapí. ʻI he hili ʻa hono fai ha vakai ki he palakalafi 4, ʻoku fai ʻe he ʻovasia ngāué ʻa e founga malanga ʻoku fokotuʻú ki he toko taha malangá. Fakalototoʻaʻi ʻa e fakatahaʻangá ke nau tokoniʻi ʻa e kau mahuʻingaʻiá mo e kau ako Tohi Tapú ke nau houngaʻia ʻi he ʻaonga ʻo e polosiua Tolu-tahaʻi-ʻotuá.
Hiva 51 mo e lotu tuku.
Uike Kamata Nōvema 8
Hiva 222
10 min: Ngaahi fanongonongo fakalotofonua. Fakahāhā ʻa hono tuʻuaki ʻo e makasini lolotongá, ʻo ngāueʻaki ʻa e kupu ʻe lava ke ngāueʻaki ʻi he ngāue fakamalangá ʻi he ʻaho Tokonaki mo e Sāpate ko ení. Fakahanga ʻa e tokangá ki he kupu “Ko ha Māhina Makehe ki he Ngāue Fakamalangá,” pea fakaafeʻi kotoa ke nau fakakaukau fakamātoato ki he malava ke nau fakalahi ʻenau kau ki he ngāue fakamalangá he lolotonga ʻo Tisemá ʻo hoko ko e kau tāimuʻa fakataimi pe ngāue fakataha mo e kau tāimuʻá.
15 min: “Ko e Tokoni ki he Niʻihi Kehé ke Maʻu ʻa e Mahino Fekauʻaki mo Sīsū.” Fehuʻi mo e tali. Fakahāhā ʻa e toe ʻaʻahi ʻoku hā ʻi he palakalafi 3. Fakalototoʻaʻi kotoa ke nau faivelenga ʻi he fetalanoaʻaki mo e kakaí ʻi he ngāue fale-ki-he-falé pea ʻi hono fai ʻa e ngaahi toe ʻaʻahí.
20 min: “Kau Talavou—ʻAi ke Fiefia ʻa e Loto ʻo Sihová.” ʻOku fai ʻe he toko taha ʻo e kau mātuʻa ha fetalanoaʻaki mo e kau malanga kei talavou kuo ʻosi papitaiso ʻe toko ua pe toko tolu ʻi he palakalafi 1-18. Fakamamafaʻi ʻa e ngaahi ʻaonga ʻoku utu ʻe he kau talavoú ʻaki ʻenau faʻifaʻitakiʻanga lelei pea mo e ʻaonga ʻo e ngaahi kupu ko e “Young People Ask . . .” Sio ki he ngaahi konga Tohi Tapú kapau ʻoku ʻi ai ha taimi.
Hiva 120 mo e lotu tuku.
Uike Kamata Nōvema 15
Hiva 135
10 min: Ngaahi fanongonongo fakalotofonua, kau ai mo e fakamatala paʻanga mo e fakamālō ki he ngaahi tokoni kuo fai. Fakaongoongoleleiʻi ʻa e fakatahaʻangá ki heʻenau poupouʻi fakaepaʻanga ʻa e fakatahaʻanga fakalotofonuá pea pehē foki ki he ngāue ʻa e Sosaieté ʻi māmani lahí. Fakahā ʻa e ngaahi fokotuʻutuʻu ki he ngāue fakamalanga lolotonga ʻa e taimi mālōlō fakaemāmani ʻoku tuʻunuku maí.
15 min: “Ko e Tokanga ki he Ngaahi Fie Maʻu Fakalaumālie ʻa e Kau Tulí.” Fehuʻi mo e tali. Kapau ʻoku ʻikai ha faʻahinga ʻi he fakatahaʻangá ʻoku tuli, fai ha fakamatala nounou ʻo e konga ko ení pea fakamamafaʻi ʻa e fie maʻu ke ʻoua ʻe taʻe tokangaʻi ʻa e faʻahinga ʻi he feituʻu ʻoku tau malanga aí ʻoku tulí. Ngāueʻaki ʻa e toenga ʻo e taimí ki he ngaahi fie maʻu fakalotofonuá pe fai ha malanga ʻo makatuʻunga ʻi he kupu “Do You Respect Your Place of Worship” ʻi he Ko e Taua Leʻo (faka-Pilitania) ʻo Sune 15, 1993, peesi 28-31.
20 min: “Kau Talavou—ʻAi ke Fiefia ʻa e Loto ʻo Sihová.” Fehuʻi mo e tali ʻi he palakalafi 19-33 ʻo e fakalahí. Fakaʻekeʻeke ha toko taha malanga kei talavou ʻe toko taha pe toko ua. ʻAi ke na fakamatalaʻi ʻa e anga ʻo hono tokoniʻi kinaua ʻe he fakatahaʻangá ke na laka ki muʻa fakalaumālie.
Hiva 113 mo e lotu tuku.
Uike Kamata Nōvema 22
Hiva 163
10 min: Ngaahi fanongonongo fakalotofonua mo e ʻŪ Ongoongo Fakateokalati. Fakalototoʻaʻi ʻa hono ngāueʻaki ʻa e makasini lolotongá ʻi he ngāue fakamoʻoni ʻi he Tokonaki mo e Sāpate ko ení.
15 min: “Tokoniʻi ʻa e Kau Ako Tohi Tapú ke Teuteu ki Heʻenau Akó.” Fehuʻi mo e tali. Lau ʻa e ngaahi palakalafí ʻo ka ʻoku kei taimi.
20 min: “Maʻu ʻa e ʻAonga Kakato mei he Fakataha Fakavahe 1993 ko e ‘Ngaahi Meʻa ʻOku Akoʻi mei he ʻOtuá’”—Konga 1. Fetalanoaʻaki mo e kau fanongó ʻi he palakalafi 1-16. ʻOku totonu ke fai ʻe he kau malangá ha fetalanoaʻaki mo ʻenau kau ako Tohi Tapú ʻa ia te nau maʻu ʻa e fakataha lalahí.
Hiva 143 mo e lotu tuku.
Uike Kamata Nōvema 29
Hiva 123
10 min: Ngaahi fanongonongo fakalotofonua. Fakalototoʻaʻi ʻa e faʻahinga ʻoku malava ke nau tāimuʻa fakataimi he lolotonga ʻo Tisemá.
15 min: “Maʻu ʻa e ʻAonga Kakato mei he Fakataha Fakavahe 1993 ko e ‘Ngaahi Meʻa ʻOku Akoʻi mei he ʻOtuá’”—Konga 2. Fai ha fetalanoaʻaki mo e kau fanongó ʻi he palakalafi 17-19 pea toe vakai fakalelei ki he “Ngaahi Fakamanatu Fekauʻaki mo e Fakataha Fakavahé.” Kau ki ai mo e ngaahi fakamanatu feʻunga mālie ʻoku makatuʻunga ʻi he fakamatala ʻi he Ko e Taua Leʻo (faka-Pilitania) ʻo Sune 15, 1989, peesi 10-20, pe fakalototoʻaʻi ʻa e ngaahi fāmilí ke nau toe vakaiʻi ʻa e fakamatala ʻi he ngaahi kupú ni ki muʻa ʻi hono maʻu ʻa e fakataha lalahí.
20 min: Ko Hono Ngāueʻaki ʻa e tohi Moʻui Taʻengatá ke Tokoniʻi ʻa e Faʻahinga Hangē ha Sipí he Lolotonga ʻo Tisemá. Fetalanoaʻaki mo e kau fanongó. ʻEke ʻa e ngaahi fehuʻi ʻo hangē ko ení: Ko e hā ʻa e vahe ʻi he tohí naʻe maongo lahi taha kiate koé? Ko e hā naʻe maongo ai ia kiate koé? Ko e hā ʻa e ʻaonga kuó ke maʻu mei he tohí ni? Ko e hā ʻa e meʻa kuó ke ako ʻo kau kia Sihova ʻi hoʻo ako ʻa e tohí ni? Ko e hā ʻa e (ngaahi) meʻa kuó ke fakahā ʻi hono tuʻuaki ʻa e tohí ni? ʻAi ha toko taha malanga taukei ke ne fakahāhā ʻa hono tuʻuaki ʻo e tohí ni. Fakalototoʻaʻi kotoa ke kau ki he ngāue fakamalangá ʻi he Sāpate ko ení.
Hiva 32 mo e lotu tuku.